ટ્રમ્પ ટેરિફ: ટ્રમ્પ વહીવટીતંત્ર દ્વારા વિશ્વના કેટલાક ગરીબ અને યુદ્ધગ્રસ્ત દેશો પર દંડાત્મક દરો લાદવામાં આવ્યા હતા. સીરિયા 41% ના સૌથી ભારે ટેરિફમાંથી એકનો સામનો કરી રહ્યું છે.
70 થી વધુ દેશો10% થી 41% સુધીના યુએસ ટેરિફનો સામનો કરી રહ્યા છે
- Advertisement -
પાકિસ્તાન અને બાંગ્લાદેશ પર 19% અને 20% ટેક્સ લાગશે
ટેરિફ 7 ઓગસ્ટથી અમલમાં આવશે
એક મોટો નિર્ણય લેતા અમેરિકન પ્રમુખ ડોનાલ્ડ ટ્રમ્પે ડઝનબંધ દેશો પર 10% થી 41% સુધીના નવા પારસ્પરિક ટેરિફ (રેસિપ્રોકલ ટેરિફ) લાદવાનો આદેશ જારી કર્યો. આ આદેશ પર હસ્તાક્ષર કરતી વખતે, ટ્રમ્પે કહ્યું કે આ પગલું વર્ષોથી ચાલી રહેલા વેપાર અસંતુલનને દૂર કરવા અને અમેરિકાની આર્થિક સુરક્ષાને મજબૂત બનાવવા માટે લેવામાં આવ્યું છે.
- Advertisement -
ક્યારથી અમલ જાણો?
વ્હાઇટ હાઉસ દ્વારા જારી કરાયેલ ફેક્ટશીટ અનુસાર, આ આદેશ ફક્ત ડ્યુટી દરોમાં ફેરફાર નહીં કરે, પરંતુ આ ટેરિફના અમલીકરણની તારીખ પણ નક્કી કરશે. ટ્રમ્પે શરૂઆતમાં ટેરિફ માટે 1 ઓગસ્ટની તારીખ નક્કી કરી હતી, જેથી ત્યાં સુધીમાં બધા દેશો સાથે વેપાર કરાર પૂર્ણ થઈ શકે, પરંતુ હવે 70 થી વધુ દેશો માટે કે જેના પર ટેરિફ લાગુ થશે, આ ટેરિફ ઓર્ડર જારી થયાના 7 દિવસ પછી અમલમાં આવશે. જો 7 ઓગસ્ટ સુધીમાં જહાજ પર કોઈ માલ લોડ કરવામાં આવ્યો હોય અને તે 5 ઓક્ટોબર સુધીમાં અમેરિકા પહોંચે તો તેના પર નવો ટેરિફ લાગુ નહીં પડે – બસ શરત એટલી કે તે પહેલાથી જ ટ્રાન્ઝિટ (મુસાફરી) માં હોય.
આ આદેશ હેઠળ, ભારત પર 25% ટેરિફ લાદવામાં આવ્યો છે. અમેરિકા દલીલ કરે છે કે ભારત જેવા દેશો અમેરિકન માલ પર ભારે ડ્યુટી લાદે છે, જ્યારે પોતાના માટે વેપાર છૂટછાટોની માંગણી કરે છે. એ જ રીતે, પાકિસ્તાન પર 19%, બાંગ્લાદેશ અને વિયેતનામ પર 20%, દક્ષિણ આફ્રિકા પર 30% અને સ્વિટ્ઝર્લૅન્ડ પર સૌથી વધુ 39% ડ્યુટી લાદવામાં આવી છે. આ ઉપરાંત, કેમરૂન, ચાડ, ઇઝરાયલ, તુર્કી, વેનેઝુએલા અને લેસોથો જેવા દેશો પર 15% ડ્યુટી લાદવામાં આવી છે.
કેનેડા માટે અલગ નિયમો
સમાચાર એજન્સી રોઇટર્સ અનુસાર, હવે કેનેડા પર 35% ડ્યુટી લાદવામાં આવી છે, જે પહેલા 25% હતી. અમેરિકાનો આરોપ છે કે કેનેડા ગેરકાયદેસર ડ્રગ સંકટને રોકવામાં નિષ્ફળ ગયું છે અને અમેરિકાની નીતિઓ સામે બદલો લઈ રહ્યું છે. કેનેડા પર લાદવામાં આવેલ 35% નો નવો ટેરિફ અન્ય દેશો કરતા અલગ રીતે લાગુ કરવામાં આવશે. આ ફી 1 ઓગસ્ટથી એટલે કે આદેશ જારી થયાના થોડા કલાકોમાં લાગુ થશે.
41% ટેરિફ – સીરિયા
40% ટેરિફ – લાઓસ, મ્યાનમાર (બર્મા)
39% ટેરિફ – સ્વિટ્ઝર્લૅન્ડ
35% ટેરિફ – ઇરાક, સર્બિયા
30% ટેરિફ – અલ્જિરિયા, બોસ્નિયા અને હર્ઝેગોવિના, લિબિયા, દક્ષિણ આફ્રિકા
25% ટેરિફ – ભારત, બ્રુનેઈ, કઝાકિસ્તાન, મોલ્ડોવા, ટ્યુનિશિયા
20% ટેરિફ – બાંગ્લાદેશ, શ્રીલંકા, તાઇવાન, વિયેતનામ
19% ટેરિફ – પાકિસ્તાન, મલેશિયા, ઇન્ડોનેશિયા, કંબોડિયા, ફિલિપાઇન્સ, થાઇલેન્ડ
18% ટેરિફ – નિકારાગુઆ
15% ટેરિફ – ઇઝરાયલ, જાપાન, તુર્કી, નાઇજીરીયા, ઘાના અને અન્ય ઘણા દેશો
10% ટેરિફ – બ્રાઝિલ, યુનાઇટેડ કિંગડમ (યુકે), ફોકલેન્ડ ટાપુઓ
