ક્લબ યુવી નવરાત્રી મહોત્સવમાં સૂર- સંસ્કાર- શિસ્તનો ત્રિવેણી સંગમ

પ્રાચીન-અર્વાચીન-ફિલ્મી ગીતોની ધુન પર ઝુમી ઉઠતા ખૈલૈયાઓ

સીસીટીવી કેમેરા તથા ટાઇટ સીક્યોરિટી વ્યવસ્થા વચ્ચે મન મુકી ઝુમતા ખેલૈયાઓ: દર્શકોની ભીડ

ખાસ-ખબર ન્યૂઝ રાજકોટ
રાજકોટ શહેરમાં ન્યુ 150 ફુટ રીંગ રોડ પર શિલ્પન સાગાની બાજુમાં, કોકોનેટ પાર્ટી પ્લોટની સામે પ્રધુમન પ્લોટમાં કલબ યુવી નવરાત્રી મહોત્સવ રંગ જમાવી રહયો છે. સૌરાષ્ટ્રનું સૌથી મોટું ગ્રાઉન્ડ 1.40 લાખ સ્કેવર ફુટ મેદાનમાં 12000 ખૈલેયાઓ રંગબેરંગી ટ્રેડીશનલ ડ્રેસમાં સજજ થઇ રાસોત્સવની રંગત માણી રહ્યા છે. ખતૈયાઓને નિહાળવા દર્શકોની ભીડ જામી રહી છે. કંઈક નોખુ અનોખું કરવાની નેમ ધરાવતા કલબ યુવીમાં સુર સંસ્કાર અને શિસ્તનનો ત્રિવેણી સંગમ જોવા મળી રહયો છે. સંપૂર્ણ પારીવારીક માહોલમાં સમાજની બહેનો -દિકરીઓ સુરક્ષીત અને ભકિતસભર નવરાત્રીનો આનંદ માણી રહી છે. કબલ યુવીમાં સીસીટીવી કેમેરા અને ટાઇટ સીકયોરીટીનું પ્લાનીંગ અમલી બનાવાયું છે.

ક્લબ યુવીના ત્રીજા નોરતે વિજેતા ખેલૈયાઓને કલબ યુવીના ડાયરેકટર રશ્મીબેન તથા બીપીનભાઈ બેરા, વૈશાલીબેન તથા સુરેશભાઈ ઓગણજા, હિનાબેન તથા મુન્નાભાઈ ઘેટીયા, સોનલબેન તથા વિજયભાઈ ડઢાણીયા, તૃપ્તીબેન તથા જીજ્ઞેશભાઈ આદ્રોજા, પ્રફુલભાઈ કાથરોટીયા, હર્ષીત કાવર, કલ્પેશભાઈ ઉકાણી, નયનાબેન તથા સીતાંશુભાઈ ભાલોડી, રાજકોટ નાગરીક બેંકના ચેરમેન દિનેશભાઈ પાઠક, આર.એસ.એસ.ના અધ્યક્ષ ડો. જીતેન્દ્રભાઈ અમલાણી, સૌરાષ્ટ્ર પ્રાંત અધિકારી નરેન્દ્રભાઈ દવે, રાષ્ટ્રીય સ્વયંસેવક સંઘ ના મનીષભાઈ બેચરા, અમરીશભાઈ ત્રાંબડીયા, સેવાભારતીના કિશોરભાઈ મુંગલપરા, શિલ્પન બિલ્ડર્સના ભાવિશાબેન ભરતભાઈ ડઢાણીયા, શ્યામલ બિલ્ડર્સના શૈલેષભાઈ ભાલોડીયા તથા અરવિંદભાઈ શેરીઠીયા, પીજીવીસીએલના મુકેશભાઈ માકડીયા, રમેશભાઈ અઘેરા, લીયો ફલોના બિપીનભાઈ ખાચર, સંસ્કૃતિ બિલ્ડર્સના ઋષિત ગોવાણી, ગીરીકન્દ્રા ફુડ ના રાકેશભાઈ દેસાઈ એ ઇનામ આપી પ્રોત્સાહીત કર્યા હતા.
પારીવારિક માહોલમાં, નવી પરંપરાઓ, ભકિત સાથે સંસ્કૃતિનું માધ્યમ બનતા કલબ યુવીમાં હાઇટેક સાઉન્ડ સીસ્ટમ, ચુનીંદા કલાકારોનો કાફલો અદભૂત સુર-તાલનું સમ્રાજય સર્જે છે. સમગ્ર ઇવેન્ટનું ક્લબ યુવી ની વેબસાઇટ યુટયુબ તથા ફેસબુક દ્રારા નવરાત્રીનું દુનીયાભરમાં લાઇવ પ્રસારણ થઇ રહયુ છે. કલબયુવી નવરાત્રી મહોત્સવ સ્થળે ખેલૈયાઓ તથા દર્શકો માટે એબ્યુલન્સ સાથે મેડીકલ ટીમની પણ વ્યવસ્થા કરવામાં આવી છે.