ખાસ-ખબર ન્યૂઝ રાજકોટ, તા.6
વિદ્યાભારતી ગુજરાત પ્રદેશ સંલગ્ન તેમજ સૌરાષ્ટ્ર શિક્ષણ અને સેવા સમાજ ટ્રસ્ટ રાજકોટ સંચાલિત સરસ્વતી શિશુમંદિરમાં પર્યાવરણ દિન નિમિત્તે વૃક્ષારોપણ કરવામાં આવ્યું હતું. શહેરના મારૂતિનગરમાં આવેલા પ્રવીણકાકા મણીઆઈ કેમ્પસમાં વૃક્ષારોપણ કરીને વિશ્વ પર્યાવરણ દિવસની ઉજવણી કરવામાં આવી હતી. આ તકે શાળાના ચેરમેન અપૂર્વભાઈ મણીઆર, મેનેજિંગ ટ્રસ્ટીડો. બળવંત જાની, ટ્રસ્ટી અનિલભાઈ કિંગર સહિત આચાર્યોએ પર્યાવરણની જાળવણી અંગે જાગૃતિસભર સંદેશ આપ્યો હતો તેમજ શાળા પરિસર અને આસપાસના વિસ્તારમાં વૃક્ષારોપણ કર્યું હતું. આ સાથે જ સરસ્વતી શિશુમંદિર દ્વારા સૌને વૃક્ષારોપણ કરી પર્યાવરણ સંરક્ષણ અને સંવર્ધનના અભિયાનમાં જોડાવવા અપીલ કરવામાં આવી હતી.
