ખાસ-ખબર ન્યૂઝ નવી દિલ્હી
અમેરિકી રાષ્ટ્રપતિ ટ્રમ્પે ઈરાન યુદ્ધ પર સોમવારે રાત્રે (ભારતીય સમય મુજબ) પ્રેસ કોન્ફરન્સ કરી. તેમણે કહ્યું કે ઈરાન વિરુદ્ધ અમેરિકાનું યુદ્ધ સારી રીતે ચાલી રહ્યું છે. રાષ્ટ્રપતિએ ઈરાનને મંગળવાર, 7 એપ્રિલની રાત્રે 8 વાગ્યા સુધીમાં સમજૂતી કરવા માટે અલ્ટીમેટમ આપ્યું છે. ટ્રમ્પે ધમકી આપી છે કે જો ઈરાન સમજૂતી નહીં કરે તો તેઓ તેને નરક બનાવી દેશે અને તેને એક રાતમાં જ ખતમ કરી શકાય છે. આ ધમકી વચ્ચે મંગળવારે સંયુક્ત રાષ્ટ્ર સુરક્ષા પરિષદ (ઞગજઈ) માં હોર્મુઝ જળસંધિમાંથી પસાર થતા વ્યાપારી જહાજોની સુરક્ષા માટેના પ્રસ્તાવ પર મતદાન થવાની અપેક્ષા છે. જોકે, અહીં ઈરાનને ચીનનો સાથ મળ્યો છે અને આ પ્રસ્તાવ પહેલાની સરખામણીમાં ઘણો નબળો પાડી દેવામાં આવ્યો છે. આવું એટલા માટે કરવામાં આવ્યું કારણ કે વીટો અધિકાર ધરાવતા દેશ ચીને હોર્મુઝ ખોલવા માટે બળપ્રયોગની મંજૂરી આપવાનો વિરોધ કર્યો છે. આ માહિતી ન્યૂઝ એજન્સી રોયટર્સે રાજદ્વારીઓના હવાલેથી આપી છે.
ટ્રમ્પે ઈરાનમાં ફસાયેલા અમેરિકી પાઇલટને બચાવવાના ઓપરેશનને ‘ઐતિહાસિક’ ગણાવ્યું. તેમણે કહ્યું, મેં અમેરિકી સેનાને આદેશ આપ્યો હતો કે અમારા બહાદુર સૈનિકોને સુરક્ષિત ઘરે લાવવા માટે જે કંઈ જરૂરી હોય તે કરવામાં આવે. તેમણે કહ્યું, ‘આ ખૂબ જ જોખમી નિર્ણય હતો, કારણ કે અમે 1-2 પાઇલટને બચાવવા માટે 100 જીવ દાવ પર લગાવ્યા હતા.’ ટ્રમ્પે તેને તાજેતરના દાયકાઓમાં સૌથી ખતરનાક ઓપરેશનોમાંથી એક ગણાવ્યું.
ટ્રમ્પે એ પણ જણાવ્યું કે બંને પાઇલટને બચાવવા માટે બે રેસ્ક્યુ મિશન કરવામાં આવ્યા હતા. પહેલા મિશનમાં 21 અમેરિકી સૈન્ય વિમાન તૈનાત કરવામાં આવ્યા હતા. જ્યારે બીજા રેસ્ક્યુ મિશનમાં કુલ 155 અમેરિકી વિમાન સામેલ હતા. જેમાં 4 બોમ્બર વિમાન, 64 ફાઇટર જેટ, 48 ઇંધણ ભરવાના ટેન્કર વિમાન અને 13 રેસ્ક્યુ વિમાન સામેલ હતા. ટ્રમ્પના મતે આ બધા ઘણા કલાકો સુધી ઈરાન ઉપર ઓપરેશન કરતા રહ્યા, કેટલાક સમય તો દિવસના અજવાળામાં પણ. આ મિશનમાં છેતરપિંડીની રણનીતિ (ડિકોય) નો પણ ઉપયોગ કરવામાં આવ્યો.
- Advertisement -
અમેરિકન પ્રેસિડન્ટની પ્રેસ કોન્ફરન્સની મુખ્ય વાતો
ઈરાનને ધમકી- અમેરિકા ઈચ્છે તો આખા ઈરાનને એક રાતમાં ખતમ કરી શકે છે. જરૂર પડ્યે આ કાર્યવાહી આવતીકાલે રાત્રે પણ થઈ શકે છે. અત્યારે યુદ્ધ અમેરિકાના કહેવા મુજબ ચાલી રહ્યું છે.
બચાવ અભિયાન- ઈરાનમાં ફસાયેલા સૈનિકને બચાવવા માટે અમેરિકાએ 155 સૈન્ય વિમાનો સાથે બચાવ અભિયાન ચલાવ્યું હતું. તેમાં ફાઈટર જેટ, બોમ્બર્સ અને રેસ્ક્યુ પ્લેન શામેલ હતા.
- Advertisement -
ઈરાનમાં હજારો હુમલા કર્યા- અત્યાર સુધી અમેરિકાએ ઈરાનના 13,000 થી વધુ ઠેકાણાઓ પર હુમલો કર્યો છે અને છેલ્લા 37 દિવસમાં 10,000 થી વધુ લડાકુ ઉડાનો ભરી છે.
સમાચાર લીક કરનારને ધમકી- જે વ્યક્તિએ મીડિયામાં ઈરાનમાં ફસાયેલા બીજા પાઇલટ વિશે સમાચાર લીક કર્યા છે તેને શોધી કાઢવામાં આવશે. જરૂર પડ્યે મીડિયા કંપની પર પણ કાર્યવાહી થઈ શકે છે.
અમેરિકી વિમાન તોડી પાડવાની વાત સ્વીકારી- ટ્રમ્પે સ્વીકાર્યું કે ઈરાને એક અમેરિકી ઋ-15 વિમાન તોડી પાડ્યું હતું, પરંતુ આ દુશ્મનની કિસ્મત હતી એટલે કે આ માત્ર એક લકી હિટ હતી.
ચીન અને રશિયા ઈરાન સાથે ઊભા છે
સંયુક્ત રાષ્ટ્ર સુરક્ષા પરિષદના 15 સભ્યો છે. હાલમાં પરિષદની અધ્યક્ષતા બહેરીન કરી રહ્યું છે. બહેરીને આ પ્રસ્તાવને પસાર કરાવવા માટે ઘણા ડ્રાફ્ટ તૈયાર કર્યા છે જેથી ચીન, રશિયા અને કેટલાક અન્ય દેશોના વિરોધને દૂર કરી શકાય. રોયટર્સ દ્વારા જોવામાં આવેલા પ્રસ્તાવના નવા ડ્રાફ્ટમાં બળ પ્રયોગની સ્પષ્ટ મંજૂરી આપતી વાતને હટાવી દેવામાં આવી છે.
