આ બેઠકમા ચૂંટણી લડવી કે નહીં અથવા સારા લોકોને ટેકો આપવા ચર્ચા
નો રિપીટ થિયરી મુદ્દે પણ બેઠકમાં ચર્ચા, કામ કરેલાં ઉમેદવારને ફરી ટિકિટ આપો
ભ્રષ્ટાચારીઓને અને સગા-સંબંધીઓને ટિકિટ નહીં આપવા રજૂઆત
ખાસ-ખબર ન્યૂઝ જૂનાગઢ, તા.28
જૂનાગઢ મહાનગર પાલિકાની ચૂંટણી જાહેર થઇ ગઈ છે.ત્યારે ભાજપ – કોંગ્રેસ અને અન્ય પક્ષો દ્વારા સેન્સ પ્રક્રિયા પૂર્ણ થતી જોવા મળે છે.હવે સેન્સ પ્રક્રિયા બાદ મુખ્ય હરીફ ભાજપ અને કોંગ્રેસ પક્ષ કોને ટિકિટ ફાળવે છે.તેના પર સૌ કોઈની નજર છે.ત્યારે હજુ ટિકિટ ફાળવાઈ નથી એ સમયે જૂનાગઢ ખેડૂત હિત રક્ષક સમિતિ મેદાનમાં ઉતર્યું છે.અને આજે સાંજે 5 વાગ્યા આસપાસ શહેરના પ્રબુદ્ધ નાગરીકો સાથે મહાનગર પાલિકા ચૂંટણી અનુસંધાને એક ખાસ બેઠકનું આયોજન કરાયું છે.જેમાં ચૂંટણી અનુલક્ષીને અનેક મહત્વના નિર્ણયની ચર્ચા આ મિટિંગમાં કરવામાં આવશે એટલે મહા પાલિકાના મહા જંગમાં આજે સાંજે નવાજુનીના એંધાણ વર્તાય રહ્યા છે. જૂનાગઢ હિત રક્ષક સમિતિના એડવોકેટ કીરીટભાઈ સંઘવીએ જણાવ્યું હતું કે, શહેરના હિતની વાત સાથે આ મિટિંગમાં પ્રબુદ્ધ નાગરિક સાથે ચર્ચા વિચારણા કરવામાં આવશે જેમાં પેહલો મુદ્દો છે કે, હિત રક્ષક સમિતિ ચૂંટણી લડે કે નહિ તે વિષય છે.
- Advertisement -
બીજો મુદ્દો કરપશન વગરના સારા વ્યક્તિને ટિકિટ આપો એ પછી કોઈપણ પક્ષના હોઈ જયારે ત્રીજો મુદ્દો આ ચૂંટણીમાં સગાવાદને પણ ટિકિટ નહિ અને ચોથો મુદ્દો ભાજપમાં જેને વોર્ડમાં સારા કામ કર્યા છે તેને ફરી ટિકિટ આપો જેમકે હિતેન ઉદાણીને પણ ટેકો જાહેર કરીશું અને ખાસ જે સારા ઉમદેવારને ટિકિટ કોઈપણ પક્ષ માંથી મળે અને તેવા પ્રયત્નો કરાશે અને જીતેલા ઉમેદવારે વોર્ડમાં દર મહિને મુલાકાત લેવી અને તેનો એહવાલ કમિશનર અને લોકોને રજુ કરવો આવા અનેક બાબતોને ધ્યાનમાં રાખીને આજે જૂનાગઢ હિત રક્ષક સમિતિ પ્રબુદ્ધ નાગરિકો સાથે ચર્ચા વિચારણા કરીને મહાનગર પાલિકા ચૂંટણીમાં શું કરવું અને શું ન કરવું તેવા ધ્યેય સાથે ખાસ બેઠક બોલાવી છે. જૂનાગઢ શહેરમાં અગાઉ હિત રક્ષક સમિતિ દ્વારા શહેરના અનેક પ્રાણ પ્રશ્ર્નો વિષે આગળ આવીને શહેરના નાગરિકોને ન્યાય અપાવવા લડત ચલાવી છે. જેમાં શહેરમાં કળવા નદીમાં થયેલ ગેરકાયદે દબાણોના લીધે શહેરના અનેક વિસ્તારોમાં પૂર આવ્યા હતા અનેક સોસાયટીમાં પાણી ઘુસી જતા વાહનો અને ઘર વખરીને ભારે નુકશાન થયું હતું ત્યારે હિત રક્ષક સમિતિએ શહેરના પ્રબુદ્ધ નાગરિકોને સાથે રાખીને અવાજ ઉઠાવ્યો હતો તેમજ મુખ્યમંત્રી ભુપેન્દ્રભાઈ પટેલ સુધી રજૂઆત કરીને હાઇકોર્ટમાં પીઆઈએલ દાખલ કરી હતી જેમાં તાજેતરમાં હાઇકોર્ટે કાળવા નદી કાંઠે થયેલ દબાણો દૂર કરવા હુકમ કર્યા છે અને તેનો રિપોર્ટ રજુ કરવા પણ તાકીદ કરી છે.આવા શહેરને સ્પર્શતા અનેક પ્રશ્ર્નો સાથે હિત રક્ષક સમિતિ કામ કરે છે ત્યારે હવે જયારે મહાનગર પાલિકાની ચૂંટણીનું રણશિંગુ ફુકાય ગયું છે એવા સમયે હવે સ્વચ્છ પ્રતિભા ધરાવતા લોકોને ટિકિટ મળે તેવા પ્રયત્નો સાથે આજે એક ચેમ્બર ઓફ કોમર્સના હોલમાં રાખવામાં આવી છે. જેમાં શહેરના પ્રબુદ્ધ નાગરિકો અને શહેરના હિતેછુ લોકો ઉપસ્થિત રહે તેવી અપીલ હિત રક્ષક સમિતિ દ્વારા કરવામાં આવી છે.
