આજે ભારત-ફ્રાન્સ વચ્ચે 3.25 લાખ કરોડની ડીલ

ભારતને 114 રાફેલ મળશે મુંબઈમાં રાષ્ટ્રપતિ મેક્રોનને મળશે ઙખ મોદી

ખાસ-ખબર ન્યૂઝ મુંબઈ

વડાપ્રધાન નરેન્દ્ર મોદી અને ફ્રાન્સના રાષ્ટ્રપતિ ઇમેન્યુઅલ મેક્રોન આજે મુંબઈમાં મુલાકાત કરશે. આ દરમિયાન બંને દેશો વચ્ચે 3.25 લાખ કરોડ રૂપિયાની ડિફેન્સ ડીલ થશે. કિંમતના હિસાબે આ ડીલ ભારતની સૌથી મોટી સૈન્ય ખરીદી હશે. આ અંતર્ગત ભારતને 114 રાફેલ ફાઇટર જેટ મળશે. આજની બેઠકમાં સંરક્ષણ, દરિયાઈ સહયોગ, ઇન્ડો-પેસિફિક વ્યૂહરચના, ઉભરતી ટેકનોલોજી, આર્ટિફિશિયલ ઇન્ટેલિજન્સ અને વૈશ્ર્વિક મુદ્દાઓ પર ચર્ચા થશે. આ બેઠક બપોરે 3:15 વાગ્યે મુંબઈના લોક ભવનમાં યોજાશે. બંને નેતાઓ સાંજે 5:15 વાગ્યે ભારત-ફ્રાન્સ ઇનોવેશન યર 2026નું ઉદ્ઘાટન કરશે. સાથે જ બંને દેશોના ઉદ્યોગપતિઓ, સ્ટાર્ટઅપ સ્થાપકો, સંશોધન નિષ્ણાતો અને ઇનોવેશન સાથે સંકળાયેલા લોકોને સંબોધિત કરશે. રાષ્ટ્રપતિ મેક્રોન 17 થી 19 ફેબ્રુઆરી સુધી ભારતના પ્રવાસે રહેશે. આ દરમિયાન તેઓ દિલ્હીમાં અઈં ઇમ્પેક્ટ સમિટમાં પણ ભાગ લેશે. રાષ્ટ્રપતિ બન્યા પછી મેક્રોંનો આ ચોથો ભારત પ્રવાસ છે. આ પહેલા તેઓ માર્ચ 2018માં પહેલીવાર ભારત આવ્યા હતા. ત્યારબાદ તેઓ સપ્ટેમ્બર 2023માં ૠ20 સમિટ માટે અને જાન્યુઆરી 2024માં ગણતંત્ર દિવસ સમારોહમાં મુખ્ય અતિથિ તરીકે આવ્યા હતા.

ભારતને 24 સુપર રાફેલ ફાઇટર જેટ મળશે

ભારત અને ફ્રાન્સ વચ્ચેની રાફેલ ડીલની સૌથી ખાસ વાત એ છે કે તેમાંથી 24 વિમાન ‘સુપર રાફેલ’ હશે. આ એડવાન્સ્ડ જેટને ઋ-5 વર્ઝન કહેવામાં આવી રહ્યું છે, જેને ફ્રાન્સની કંપની દસોલ્ટ એવિએશન બનાવી રહી છે. હાલમાં ભારતીય વાયુસેના પાસે જે રાફેલ છે, તે ઋ-3 વેરિઅન્ટ છે અને 4.5 જનરેશન ફાઇટર માનવામાં આવે છે. તેમાં સ્ટેલ્થ ફીચર્સ અને પરમાણુ હથિયારો લઈ જવાની ક્ષમતા પણ છે. નવી ડીલમાં મળનારા મોટાભાગના જેટ ઋ-4 વર્ઝનના હશે, જે વધુ એડવાન્સ સિસ્ટમ અને અપગ્રેડ ટેકનોલોજી સાથે આવશે. જણાવવામાં આવી રહ્યું છે કે યુરોપિયન સ્ટાન્ડર્ડ મુજબ ઋ-5 રાફેલને વધુ એડવાન્સ કેટેગરીમાં રાખવામાં આવી રહ્યા છે. આ હાલમાં ડેવલપમેન્ટ ફેઝમાં છે. પ્લાન મુજબ ઋ-4 જેટની ડિલિવરી 2028-29 થી શરૂ થશે, જ્યારે 2030 પછી મળનારા જેટ ઋ-5 એટલે કે સુપર રાફેલ હશે.

ભારતમાં બનશે 96 રાફેલ ફાઇટર જેટ

ફ્રાન્સની કંપની દસોલ્ટ એવિએશન સાથે થનારી આ ડીલમાં મહત્વની વાત એ છે કે 114માંથી 96 વિમાન ભારતમાં જ બનાવવામાં આવશે. માત્ર 18 જેટ ઉડાન માટે તૈયાર સ્થિતિમાં (ફ્લાય-અવે કન્ડિશન) સીધા ફ્રાન્સથી મળશે. બાકીના વિમાનોનું ઉત્પાદન ભારતમાં થશે અને તેમાં લગભગ 60% સુધી સ્વદેશી પાર્ટ્સનો ઉપયોગ કરવામાં આવશે. રાફેલ જેટનું નિર્માણ મેક ઇન ઇન્ડિયા કાર્યક્રમ હેઠળ થશે. દસોલ્ટ એવિએશન એક ભારતીય કંપની સાથે મળીને ઉત્પાદન કરશે. તાજેતરમાં દસોલ્ટે તેના જોઈન્ટ વેન્ચર દસોલ્ટ રિલાયન્સ એરોસ્પેસ લિમિટેડ (ઉછઅક) માં હિસ્સેદારી 49% થી વધારીને 51% કરી દીધી છે. આ ભાગીદારીમાં અનિલ અંબાણીની રિલાયન્સ ઇન્ફ્રાસ્ટ્રક્ચર પણ સામેલ છે. ડીલ હેઠળ તમામ 114 જેટમાં ભારતીય હથિયારો, મિસાઈલો અને દારૂગોળો એકીકૃત કરવામાં આવશે અને સુરક્ષિત ડેટા લિંક સિસ્ટમ પણ આપવામાં આવશે.