ખાસ-ખબર સંવાદદાતા
હળવદના રણજીતગઢ ગામના પાટીયા પાસે કામ કરતા બનાસકાંઠાના ત્રણ યુવાનો સાંજના સમયે નર્મદા કેનાલમાં ન્હાવા ગયા હતા જોકે મોડે સુધી યુવાનો પરત ન ફરતા પરિવારજનોએ શોધખોળ કરતા ત્રણેય યુવાનોના કપડા મોબાઈલ પાકીટ સહિતની વસ્તુ કેનાલકાંઠે મળી આવતા પરિવારજનોમાં ચિંતાનું મોજું ફરી વળ્યુ હતું. આજુબાજુના લોકોએ તાત્કાલિક હળવદ ફાયર બ્રિગેડને જાણ કરતા ફાયર બ્રિગેડના જવાનોએ ઘટનાસ્થળે દોડી જઈને શોધખોળ હાથ ધરી હતી જોકે 18 કલાકથી વધુની જહેમત બાદ સવારે 12:30 વાગ્યા સુધીમાં બે યુવાનોની લાશ કેનાલમાંથી મળી હતી અને એક યુવાનની શોધખોળ હાથ ધરવામાં આવી હતી.
હળવદના રણજીતગઢ ગામના પાટીયા પાસે કામ કરતા બનાસકાંઠાના ત્રણ ઠાકોર યુવાનો ગુરૂવારે સાંજના સમયે નર્મદા કેનાલમાં નાહવા માટે ગયા હોય પરંતુ મોડે સુધી પરત ન ફરતા પરિવારજનોએ શોધખોળ કરતા ફેક્ટરીની બાજુમાં આવેલ કેનાલના કાંઠે યુવાનોના કપડા મોબાઈલ પાકીટ મળી આવ્યા હતા જેથી આ બનાવ અંગે હળવદ ફાયરબ્રિગેડને જાણ કરવામાં આવતા ફાયર બ્રિગેડની ટીમ તાત્કાલિક ઘટના સ્થળે દોડી ગઈ હતી અને યુવાનોને શોધવા માટેની તજવીજ હાથ ધરી હતી જોકે તંત્ર દ્વારા કેનાલ બંધ કરાવવામાં આવી હતી અને યુવાનોની શોધખોળ હાથ ધરવામાં આવતા 18 કલાકથી વધુની જહેમત બાદ સવારે 12:30 વાગ્યા સુધીમાં બે યુવાનોની લાશ મળી હતી જ્યારે એક યુવાન લાપતા હોય તેની શોધખોળ કરવામાં આવી રહી હતી.
