ખાસ-ખબર ન્યૂઝ જૂનાગઢ, તા.16
જૂનાગઢ શહેરના મચ્છી માર્કેટ પાસેથી એ-ડીવીજન પોલીસે જાહેરમાં જુગાર રમતા 3 શખ્સોને ઝડપી પાડ્યા હતા. આ ત્રણેય ઇસમો પાસેથી રૂા.22,900નો મુદ્દામાલ કબ્જે કર્યો હતો. આ અંગે પોલીસમાંથી મળતી માહિતી અનુસાર શહેરમાં મચ્છી માર્કેટ પાસે આવેલ ખત્રીના ડેલા મટીયાણા દરબાર વાળી શેરીમાં જાહેરમાં જુગાર રમતો ઓવાની માહતી મળતા એ-ડીવીઝનના પીઆઇ સાવજના માર્ગદર્શનમાં પીએસઆઇ સીદી સહિતના સ્ટાફે દરોડો પાડીને શેબાઝ ઉર્ફે પપ્પુ કરીમભા શેખ, અફજલ હુશેનભાઇ પટેલ અને સિરાજ સલીમભાઇ પરમારને ઝડપી લીધા હતા. પોલીસે ત્રણેય શખ્સ પાસેથી રોકડ સહિત રૂા.22,900નો મુદ્દામાલ કબ્જે કરી આગળની કાર્યવાહી કરી હતી.
