ત્રણેય સામે મારામારી તથા જુગારધારાના નોંધાયા હતા ગુના
ખાસ-ખબર ન્યૂઝ પોરબંદર, તા.12
- Advertisement -
પોરબંદરના ત્રણ ઇસમોને પાસા તળે અમદાવાદ વડોદરા અને સુરતની જેલમાં ધકેલી દેવામાં આવ્યા છે.
પોરબંદર શહેર તથા નાયબ પોલીસ અધિક્ષક સુરજીત મહેડુ પોરબંદર ગ્રામ્યના માર્ગદર્શન હેઠળ રાણાવાવ પોલીસ સ્ટેશનમાં આઈ.પી.સી. કલમ 324,504,506(2),114 તથા રાણાવાવ પોલીસ સ્ટેશનમાં આઈપીસી 324, 323, 54, 506(2),114 મુજબના ગુન્હામાં સંડોવાયેલ આરોપીઓ રાણાવડવાળાનો દિલીપ ભરતભાઇ ઓડેદરા, (ઉ.વ.33), રાણાવડવાળાનો રમેશ ઉર્ફે કિશન વેજાભાઇ ઓડેદરા.(ઉ.વ.40),વિરૂધ્ધમાં રાણાવાવ પોલીસ સ્ટેશનના પોલીસ સબ ઇન્સ્પેકટર એમ.એલ.આહિરએ પાસા દરખાસ્ત તૈયાર કરી પોરબંદર જિલ્લા મેજીસ્ટ્રેટ તરફ મોકલતા પોરબંદર જિલ્લા મેજીસ્ટ્રેટ કે.ડી.લાખાણી દ્વારા આ સામાવાળાને પાસા હેઠળ અનુક્રમે અમદાવાદ તથા સુરત જેલમાં અટકાયતમાં રહેવા પાસા વોરન્ટ ઇસ્યુ કરતા એલ.સી.બી.ના પી.આઈ. આર.કે.કાંબરીયાએ સામાવાળાને પાસા વોરંટની બજવણી કરી વડોદરા જેલ ખાતે મોકલી આપેલ છે.
તેમજ કમલાબાગ પોલીસ સ્ટેશનમાં જુ.ધા.ક.4.5 મુજબના ગુન્હામાં સંડોવાયેલ આરોપી પોરબંદરના ખાખચોક વિસ્તારમાં આવેલા ખાખેશ્વર મહાદેવ મંદિર પાસે રહેતો ભરત કાંતિલાલ નિમાવત (ઉ.વ.45), ના વિરૂધ્ધમાં કમલાબાગ પોલીસ સ્ટેશનના પોલીસ ઇન્સ્પેકટર વી.પી.પરમારે પાસા દરખાસ્ત તૈયાર કરી પોરબંદર જીલ્લા મેજીસ્ટ્રેટ તરફ મોકલતા પોરબંદર જિલ્લા મેજીસ્ટ્રેટ કે.ડી. લાખાણી દ્રારા આ સામાવાળાને પાસા હેઠળ વડોદરા જેલમાં અટકાયતમાં રહેવા પાસા વોરન્ટ ઇસ્યુ કરતા એલ.સી.બી.ના પી.આઈ આર.કે.કાંબરિયાએ સામાવાળા પાસા વોરંટની બજવણી કરી વડોદરા જેલ ખાતે મોકલી આપેલ છે.
