પોરબંદરના બરડા પંથકમાં વીજ સમસ્યાને લઇ ખેડુતોમાં ભારે રોષ

બરડા પંથકમા વર્ષોથી વીજ સમસ્યા જોવા મળી રહી છે, જેનું નિવારણ હજુ સુધી નથી આવ્યું 

પોરબંદર જિલ્લામાં બરડા પંથકમા વીજ સમસ્યાને લઇ ખેડુતોમા ભારે રોષ જોવા મળી રહ્યો છે .તેવા સમયે જોવા મળી રહી છે તેવા સમયે વીજ પ્રશ્ને અવાજ ઉઠવનાર ખેડુત આગેવાન હિતેષ મોઢવાડીયા સામે ફરજ રૂકાવટની ફરીયાદ નોંધવામા આવતા અને તેમની ધરપકડ કરવામા આવતા ખેડુતોમા ભારે રોષ જોવા મળ્યો હતો અને બગવદર પોલીસ સ્ટેશન ખાતે એકત્રીત થયા હતા.

પોરબંદરના બરડા પંથકના આગેવાન હિતેષ મોઢવાડીયા સામે પીજીવીસીએલ દ્રારા બગવદર પોલીસ સ્ટેશના ફરજ રૂકાવટની ફરીયાદ નોંધવામા આવી હતી અને ગત મોડી રાત્રીના પોલીસ દ્રારા તેમની અટકાયત કરવામા આવી હતી જેની જાણ થતા આજે શનિવારે સવારના સમયે બરડા પંથકના ખેડુતો બગવદર પોલીસ સ્ટેશન ખાતે એકત્રીત થયા હતા અને ભારે રોષ વ્યકત કર્યો હતો ખેડુતો એવુ જણાવ્યુ હતુ કે, બરડા પંથકમા વર્ષોથી વીજ સમસ્યા જોવા મળી રહી છે જેના કારણે ખેડુતોને ભારે મુશ્કેલી પડી રહી છે.

પીજીવીસીએલને કરી રજુઆત 

આ અંગે સમાયંતરે પીજીવીસીએલને રજુઆત પણ કરવામા આવે છે. તેમ છતા તેમનુ નિરાકરણ થતુ નથી ખેડુતોના વીજ પ્રશ્ને રજુઆત કરનાર મોઢવાડા ગામના ખેડુત આગેવાન હિતેષ મોઢવાડીયાએ વીજવાયરના મુદે પીજીવીસીએલને રજુઆત કરી હતી તેને લઇ તેમની સામે ફરજ રૂકાવટની ફરીયાદ કરવામા આવી છે. આ ફરીયાદ ખોટી છે તે રાજકીય રાગદ્વેશ રાખીને કરવામા આવી છે. પોલીસ સ્ટેશન નજીક મોટી સંખ્યામા ખેડુતો એકત્રીત થતા ચાંપતો સુરક્ષા બંદોબસ્ત ગોઠવી દેવામા આવ્યો હતો ખેડુત આગેવાન સામે પોલીસ ફરીયાદને લઇ બરડા પંથકના ખેડુતમા ભારે નારાજગી જોવા મળી હતી.