કેન્દ્રીય માહિતી અને પ્રસારણ વિભાગનું ટ્વીટર એકાઉન્ટ થયું હેક

કેન્દ્રીય માહિતી અને પ્રસારણ વિભાગનું ટ્વીટર એકાઉન્ટ રાતોરાત હેક થઇ જતા સરકાર એક્શનમાં આવી છે. હેકર્સે આમ ચેડાં કરીને જાણીતા ઉદ્યોગપતિ અલોન મસ્કનું યુઝરનેમ મૂકીને માછલીની તસવીર મૂકી છે. આ નવા એકાઉન્ટ ઘણા સમયથી પોસ્ટ પણ કરવામાં આવતી હતી.

મળતી માહિતી મુજબ, પાસવર્ડ સાથે ચેડાં કરવામાં આવ્યા છે, અને હેકિંગ સંબંધિત લિંક ઘુસાડીને છેતરપિંડી કરવામાં આવી છે. હાલમાં આ એકાઉન્ટ હેક કરનાર વ્યક્તિની શોધખોળ ચાલુ છે.

CERT એટલે કે ભારતીય કોમ્પ્યુટર ઇમર્જન્સી રિસ્પોન્સ ટીમ દ્વારા આની તપાસ કરી રહી છે. શક્ય તેટલી વહેલી તકે આ એકાઉન્ટ પુનઃ સ્થાપિત થાય તેવો પ્રયાસ ચાલુ છે.