સુપ્રીમ કોર્ટે દિલ્હીના સીએમ અરવિંદ કેજરીવાલને ચૂંટણી પ્રચાર માટે 1 જૂન સુધી શરતી વચગાળાના જામીન આપ્યા છે. કેજરીવાલે SCને વચગાળાના જામીન 7 દિવસ લંબાવવાની માંગ કરી છે.
દિલ્હીના મુખ્યમંત્રી અરવિંદ કેજરીવાલને સુપ્રીમ કોર્ટ તરફથી ઝટકો લાગ્યો છે. જસ્ટિસ એએસ ઓકની આગેવાની હેઠળની બેંચે કેજરીવાલની સ્વાસ્થ્યની તપાસ માટે વચગાળાના જામીનને 7 દિવસ લંબાવવાની માંગ કરતી અરજી પર તાત્કાલિક સુનાવણી કરવાનો ઇનકાર કરી દીધો. આટલું જ નહીં, બેંચે મોડી અરજી કરવા પર પણ સવાલો ઉઠાવ્યા.
- Advertisement -
જસ્ટિસ એએસ ઓકની બેંચે કહ્યું કે, 17 મેના રોજ મુખ્ય મામલામાં આદેશ અનામત રાખવામાં આવ્યો. તે બેંચના એક સભ્ય જજ ગયા અઠવાડિયે વેકેશન બેંચમાં હતા. ત્યારે તમે આ માંગણી કેમ ન કરી? વેકેશન બેંચે કેજરીવાલના વકીલ અભિષેક મનુ સિંઘવીને કહ્યું કે તે સુનાવણી માટે વિનંતી ચીફ જસ્ટિસને કરે.
1 જૂન સુધી વચગાળાના જામીન પર છે કેજરીવાલ
દિલ્હીના કથિત લિકર પોલિસી કૌભાંડમાં મની લોન્ડરિંગના આરોપમાં 21 માર્ચે દિલ્હીના મુખ્યમંત્રી કેજરીવાલની ED દ્વારા ધરપકડ કરવામાં આવી હતી. કેજરીવાલે પોતાની ધરપકડને સુપ્રીમ કોર્ટમાં પડકારી છે. તાજેતરમાં, સુપ્રીમ કોર્ટે કેજરીવાલને લોકસભા ચૂંટણીમાં પ્રચાર કરવા માટે 10 મેથી 1 જૂન સુધી વચગાળાના જામીન આપ્યા છે. તેણે 2 જૂને સરેન્ડર કરવાનું છે.
- Advertisement -
કેજરીવાલે પોતાની અરજીમાં શું કહ્યું?
કેજરીવાલે પોતાની અરજીમાં દાવો કર્યો છે કે ધરપકડ બાદ તેનું 7 કિલો વજન ઘટી ગયું છે. આટલું જ નહીં તેનું કીટોન લેવલ પણ વધી ગયું છે. આવી સ્થિતિમાં, આ લક્ષણો ગંભીર હોઈ શકે છે. મેક્સના ડોક્ટરોએ તેની તપાસ કરી છે. હવે PET-CT સ્કેન અને ઘણા ટેસ્ટ કરાવવાની જરૂર છે. આવી સ્થિતિમાં આ તપાસ કરાવવા માટે સીએમ કેજરીવાલે 7 દિવસની માંગ કરી છે.
