પ્રતિ ક્વિન્ટલ તુવેર 7000, ચણા 5440, રાયડા 5650 ટેકાના ભાવે ખરીદી થશે
ખાસ-ખબર સંવાદદાતા
જૂનાગઢ ભારત સરકાર દ્વારા ખરીફ-રવિ-2023-24 માટે પ્રાઈઝ સપોર્ટ સ્કીમ હેઠળ ટેકાના ભાવે તુવેર ચણા અને રાયડાની ખરીદીનો નિર્ણય કરવામાં આવ્યો છે.
આ નિર્ણય મુજબ પ્રતિ ક્વિન્ટલ તુવેર રૂ. 7000, ચણા રૂ.5440 અને રાયડાના રૂ. 5650 ટેકાના ભાવ જાહેર કરવામાં આવ્યો છે. આ પ્રાઈઝ સપોર્ટ સ્કીમ હેઠળ ટેકાના ભાવે તુવેર ચણા અને રાયડાના વેચાણ માટે તા.5-2-2024 થી તા.29-2-2024 સુધી નોંધણી કરવામાં આવશે.ગ્રામ્ય કક્ષાએ ઈ ગ્રામ કેન્દ્ર ખાતે વીસીઈ મારફતે નોંધણી નાફેડના ઈ-સમૃદ્ધિ પોર્ટલ પર કરવામાં આવશે. જેમાં જૂનાગઢ જિલ્લાના ખેડૂતો વધુમાં વધુ ટેકાના ભાવે ખરીદી અંગેનું રજીસ્ટ્રેશન કરે અને મહત્તમ ટેકાના ભાવે ખરીદીનો લાભ લેવા ખેતીવાડી અધિકારીશ્રી દ્વારા અનુરોધ કરવામાં આવ્યો છે.
