દેવાયતના બન્ને સાગરીત સહિત ત્રણેય આરોપીઓના આજે રિમાન્ડ પૂર્ણ થશે

દેવાયત જેલહવાલે થાય તેવી શક્યતા

મુળી પંથકમાં આવેલી વાડીમાં આશરો લીધો

રાજકોટ શહેરના સર્વેશ્વર ચોકમાં યુવા બિલ્ડર પર ખૂની હુમલો કરી નાસી છૂટેલો દેવાયત ખવડ 10 દિવસ સુધી ફરાર રહ્યા બાદ શુક્રવારે બપોરે ક્રાઈમ બ્રાન્ચમાં હાજર થયો હતો. તેના બે સાગરીતો હરેશ રબારી અને કિશન કુંભારવાડીયા પણ પોલીસ સમક્ષ હાજર થઈ ગયા હતા. શનિવારે આ ત્રણેય આરોપીઓને એ-ડીવીઝન પોલીસે કોર્ટમાં રજુ કરી બે દિવસના રીમાન્ડ મેળવ્યા હતા. રીમાન્ડની અવધી આજે પુરી થઈ રહી છે. તે સંજોગોમાં ત્રણેય આરોપીઓને આજે જેલહવાલે કરાય તેવી શક્યતા છે. ગુનામાં વપરાયેલી કાર, હથીયારો અને આરોપીઓના કપડા વગેરે પોલીસે કબ્જે કરી ચુકી છે. હવે પોલીસ વધુ રીમાન્ડની માંગ કરશે નહિ.

વોન્ટેડ રહ્યાના સમય દરમ્યાન દેવાયત ખવડ અને અન્ય આરોપીઓએ કયા આશરો લીધો હતો તે મુદ્દે પોલીસે તપાસ કર્યા બાદ જણાવ્યું કે આરોપી દેવાયત ખવડ પોતાની મુળી પંથકમાં આવેલી વાડીમાં આશરો લીધાનું જણાવી રહ્યો છે. જયારે તેના ડ્રાઈવર હરેશ ઉર્ફે કાના રબારીએ પણ પોતાનો મોબાઈલ સ્વીચ ઓફ કરી નાખ્યો હતો.