સ્માર્ટ સિટીના બણગા ફૂંકતી મહાપાલિકા, કચરો તો ઉપાડો!

આજીડેમ વિસ્તારની પોલિટેક્નિક હોસ્ટેલ બહાર કચરાના ઢગ: રોગચાળાની ભીતિ

સ્માર્ટ સિટીની રેસમાં પોતાનું નામ નોંધાવનાર રાજકોટમાં કચરાના ઢગ જોવા મળી રહ્યા છે. આજીડેમ ચોકડી પાસે આવેલી પોલિટેક્નિકની હોસ્ટેલ બહાર મોટા પ્રમાણમાં કચરાનો ઢગ ખડકાઇ ગયો છે.

તંત્ર દ્વારા આ ઢગ દૂર કરવામાં ન આવતો હોવાથી હોસ્ટેલની છાત્રાઓની તેમજ સિવિલમાં આવતા દર્દીઓને રોગચાળો થવાની ભીતિ સેવાઇ રહી છે. ત્યારે મહાનગરપાલિકા સ્માર્ટ સિટીના નામે બણગા ફૂંકી રહી છે જ્યારે કચરાના ઢગને સાફ કરી શકતી નથી.