ધ્રાંગધ્રાના જેસડા ગામના યુવાનના રેગિંગ મામલે ધારાસભ્યે કડક કાર્યવાહીની માંગ કરી

રાજ્યના મુખ્યમંત્રી અને ગૃહમંત્રીને લેખિત રજૂઆત

ખાસ-ખબર ન્યૂઝ સુરેન્દ્રનગર, તા.21
પાટણ ખાતે મેડિકલ કોલેજમાં અભ્યાસ કરતા ધ્રાંગધ્રા તાલુકાના જેસડા ગામના યુવાનનું શંકાસ્પદ મોત થયું હતું. આ યુવાનના મોત મામલે પરિવારજનો દ્વારા મેડિકલ કોલેજમાં સિનિયર વિદ્યાર્થીઓ દ્વારા યુવાન સાથે રેગિંગ કરાયું હોવાનો આક્ષેપ કરાયો હતો જે બાદ પરિવારજનો દ્વારા સિનિયર વિદ્યાર્થીઓ વિરૂૂદ્ધ ફરિયાદ પણ નોંધાઇ હતી જોકે આ મામલે પાટણ પોલીસ દ્વારા કેટલાક વિદ્યાર્થીઓને ઝડપી પણ લેવાયા છે પરંતુ યુવાન સાથે થયેલ રેગિંગનો મામલો રાજ્યભરમાં ગાજ્યો હતો અને ઠેર ઠેર રેગિંગની વિરોધ થયો હતો. તેવામાં હવે રાજકીય આગેવાનો પણ આ મામલે પોતાની ચુપ્પી તોડીને કડક કાર્યવાહીની માંગ કરી છે જેમાં ધ્રાંગધ્રા – હળવદ વિધાનસભાના ધારાસભ્ય પ્રકાશભાઈ વરમોરા દ્વારા રાજ્યના મુખ્યમંત્રી ભુપેન્દ્રભાઈ પટેલ અને ગૃહ મંત્રી હર્ષભાઈ સંઘવીને લેખિતમાં રજૂઆત કરી હતી ધારાસભ્યે પોતાની રજૂઆતમાં તટસ્થ તપાસ અને યુવાનના મોત મામલે જવાબદાર સામે દાખલારૂૂપી કાર્યવાહી કરવાથી ઘટનાઓ પુનરાવર્તન ન થાય તે અંગે લેખિતમાં રજૂઆત કરી છે.