દેશમાં પ્રાણીઓ માટેની પ્રથમ રસી તૈયાર
કુતરાઓમાં 21 દિવસ પછી જોવા મળી એન્ટિબોડીઝ, સક્કરબાગ ઝુનાં 15 સિંહ ઉપર ચાલી રહી છે ટ્રાયલ
ખાસ-ખબર સંવાદદાતા
હરિયાણાના હિસારમાં સ્થિત સેન્ટ્રલ હોર્સ રિસર્ચ ઈન્સ્ટિટ્યૂટના વૈજ્ઞાનિકોએ પ્રાણીઓ માટે દેશની પ્રથમ કોરોના રસી તૈયાર કરવામાં સફળતા મેળવી છે. 23 આર્મી ડોગ્સ પર તેનું ટ્રાયલ સફળ રહ્યું છે. રસીકરણના 21 દિવસ પછી કૂતરાઓમાં કોરોના વાયરસ (કોવિડ-19) સામે એન્ટિબોડીઝ જોવા મળી હતી. શ્ર્વાન પરના સફળ ટ્રાયલ બાદ હવે ગુજરાતના જૂનાગઢના સક્કરબાગ ઝૂઓલોજિકલ પાર્કના 15 સિંહો પર ટ્રાયલ ચાલી રહી છે, જેને ગુજરાત સરકારની પરવાનગી મળ્યા બાદ શરૂ કરવામાં આવશે. આ પછી, બજારમાં રસી મુકાશે અને ત્યાર પછી, પ્રાણીઓને પણ રસી આપી શકાય છે.
સેન્ટ્રલ ઇક્વિન રિસર્ચ ઇન્સ્ટિટ્યૂટ, હિસારના ડો.યશપાલ સિંહે કહ્યું હતું કે વાયરસ માણસોમાંથી પ્રાણીઓમાં અને પછી પ્રાણીઓમાંથી માણસોમાં સંક્રમિત થવાના ઘણા અભ્યાસો થયા છે. તેથી, પ્રાણીઓમાં પણ તેનું નિયંત્રણ કરવું ખૂબ જ મહત્વપૂર્ણ છે. અમેરિકા અને રશિયાએ પણ રસી વિકસાવીને પ્રાણીઓને રસી આપવાનું શરૂ કર્યું છે.
તેમણે એમ પણ જણાવ્યું હતું કે અમે આપણા દેશમાં પ્રાણીઓ માટે રસી તૈયાર કરવા માટે લાંબા સમયથી રોકાયેલા હતા. હવે સંસ્થાએ રસી તૈયાર કરીને પ્રારંભિક પરીક્ષણમાં સફળતા હાંસલ કરી છે.
