માળીયા હાટીનામાં દિપડો પાંજરે પુરાયો

ખાસ-ખબર સંવાદદાતા
માળીયા હાટીનાના ગિર જંગલનાં ગ્રામ્ય વિસ્તારોમાં દિપડાના આંટા ફેરાથી લોકોમાં ભયનો માહોલ જોવા મળ્યો હતો. ત્યારે સ્થાનિક ગ્રામજનોએ વન વિભાગને જાણ કરતા ગામ નજીક વાડી વિસ્તારમાંથી દિપડાને પાંજરે પુર્યો હતો. વન વિભાગે માળીયાના ખેડૂત ચાંપરાજભાઇ મુળુભાઇ સિસોદીયાની વાડીમાં દિપડો જોવા મળતા તાત્કાલી સ્ટાફ પહોંચી ગયો હતો અને પાંજરૂ ગોઠવી દિપડાને પકડી પાડવામાં આવ્યો હતો. દિપડો પાંજરે પુરાતા ગ્રામજનોએ રાહતનો શ્ર્વાસ લીધો હતો.