આરોગ્ય વિભાગના 25000 કર્મચારી અનિશ્ર્ચિતકાળ
માટે હડતાળ ઉપર : આરોગ્ય કેન્દ્ર પર સેવાઓ ખોરવાશે
ખાસ-ખબર ન્યૂઝ અમદાવાદ
- Advertisement -
ગુજરાત રાજ્યના પંચાયતી સેવા વર્ગ-3ના કર્મચારીઓ 17 માર્ચથી અચોક્કસ મુદ્દતની હડતાળ પર ઉતરશે. જેના કારણે ગ્રામ્ય વિસ્તારમાં આરોગ્ય સેવા ખોરવાય તેવી શક્યતા છે. આરોગ્ય કર્મચારી જિલ્લા કક્ષાના સુપરવાઇઝર સહિત 25 હજાર જેટલા કર્મચારીઓ આજથી અચોક્કસ મુદ્દતની હડતાળ પર ઉતરશે.
રાજ્યના આરોગ્ય કર્મચારી મહાસંઘે નાણાંકીય અને વહીવટી પડતર પ્રશ્ર્નો નહીં ઉકેલતા આ એલાન આપ્યું છે. આરોગ્ય કર્મચારી મહાસંઘે એલાન કર્યું કે, તારીખ 17 માર્ચથી આરોગ્ય કર્મચારી હડતાળ પાડશે. ટેક્નિકલ ગ્રેડ-પે મુદ્દો ઉકેલાયો નથી. ખાતાકીય પરીક્ષા રદ કરવાનો પ્રશ્ર્ન હજુય યથાવત્ રહ્યો છે. અન્ય પ્રશ્ર્નો મામલે આરોગ્ય કર્મચારીઓએ ધરણા કર્યાં, દેખાવો કર્યાં, માસ સીએલ પર જઈને વિરોધ પ્રદર્શન કર્યું તેમ છતાંય સરકારના પેટનું પાણી હલતું નથી. આ વખતે નક્કી કરાયું છે, જ્યાં સુધી મંત્રણા ન થાય અને ખાતરી આપવામાં ન આવે ત્યાં સુધી સરકાર સાથે વાટાઘાટો કરવામાં નહીં આવે. હડતાળ ચાલુ રહેશે કારણ કે, આ અગાઉ પણ સરકારના મંત્રીઓએ ખાતરી આપી હતી પરંતુ, અત્યાર સુધી અમલ નથી કરાયો. નવાઈની વાત તો એ છે કે, ખુદ આરોગ્ય વિભાગના અધિકારીઓની એક કમિટીએ વર્ષ 2022માં લેખિતમાં ભલામણ કરી હતી. કર્મચારીઓને સરકાર કોણીએ ગોળ ચોંટાડી દે છે પણ લાભ નથી આપતી.
હડતાળને કારણે ગામડાઓમાં આરોગ્ય કેન્દ્ર પર સેવાઓ ખોરવાશે. આ કારણોસર આરોગ્ય વિભાગ સતર્ક થયું છે. આ ઉપરાંત વૈકલ્પિક વ્યવસ્થા ઊભી કરવામાં આવી છે.રણજિતસિંહ મોરીએ જણાવ્યું છે. સ્ટાફ વહીવટી અને નાણાંકીય પ્રશ્નો પણ પ્રશ્ર્નોના ઉકેલ માટે અગાઉ પણ રજૂઆતો કરવામાં આવી હતી પરંતુ તેનો ઉકેલ આવ્યો નથી.પંચાયત સેવાના હેલ્થ વર્કર કેડરને મળતો 1900 ગ્રેડ પેને બદલે 2800 ગ્રેડ પે તેમજ સુપરવાઈઝર વગેરેમાં 2400 ને બદલે 4200 ગ્રેડ પે લાગુ કરવાની માગણી કરાઈ હતી, બીજી તરફ ખાતાકીય પરીક્ષા કેડર રદ સહિતના મુદ્દે આંદોન શ કરાશે, તેમ મહા સંઘના પ્રમુખે જણાવ્યું છે. તાજેતરમાં જ પંચાયત હેલ્થ વર્કરો, સુપરવાઈઝર કરેલી કામગીરીનું ઓનલાઈન કે રિપોર્ટ નહિ બનાવીને વિરોધ કર્યેા હતો. હવે આગામી 17મી માર્ચથી અચોક્કસ મુદ્દતની હડતાળનું એલાન અપાયું છે સાથે જ ગાંધી ચિંધ્યામાર્ગે અલગ અલગ કાર્યક્રમો અપાશે, ગ્રામ્ય ક્ષેત્રમાં આરોગ્ય સેવા ખોરવાય તો તેના માટે સરકાર જવાબદાર રહેશે તેમ પણ આરોગ્ય કર્મચારી મહાસંઘે જાહેર કયુ છે. આમ આગામી દિવસોમાં પંચાયત સેવાના હેલ્થ વર્કરોની હડતાલના પગલે ગ્રામીણ આરોગ્ય સેવાને મોટા પાય અસર થશે અંદાજો 25,000 જેટલા કર્મચારીઓ આ લડતમાં સામેલ થવા જઈ રહ્યા છે પગાર વધારા સહિતની 17 જેટલી માંગણીઓ માટે અનેક વખત રજૂઆત પછી નિર્ણય નહીં લેવાતા અચોક્કસ મુદત ની હડતાલનું એલાન અપાયું છે.
