આખરે પરીવારને ન્યાય મળ્યો! મોરબીમાં અઢી વર્ષની બાળકી ઉપર દુષ્કર્મ આચરી હત્યા કરનાર નરાધમને આજીવન કેદ

મોરબીના બેલા નજીક રોસાબેલા કારખાનામાં કામ કરતા શ્રમિકની અઢી વર્ષની દીકરી ગત તા. 3 મે 2018 ના રોજ પરિવાર સાથે સૂતી હતી ત્યારે નજીકમાં રહેતા સૂરજ ગોરેલાલ ચૌહાણ નામના નરાધમે બાળકીનું રાત્રીના અપહરણ કરી દુષ્કર્મ આચરી તળાવના પાણીમાં ફેંકીને હત્યા કરી હતી. આ બનાવ સંદર્ભે તાલુકા પોલીસે સૂરજ નામના શખ્સને પકડી પાડી તેની સામે કલમ 302, 363, 376(2), 376એબી તથા પોકસો કલમ 4,6,18 હેઠળ ગુનો નોંધી આગળની કાર્યવાહી હાથ ધરી હતી. આ કેસ પ્રિન્સિપાલ ડિસ્ટ્રિક્ટ એન્ડ સેશન્સ જજ સાહેબની કોર્ટમાં ચાલી જતા ગઈકાલે ચુકાદો જાહેર કરવામાં આવ્યો હતો જેમાં આરોપી સૂરજને કોર્ટે આજીવન કેદની સજા ફટકારી છે. આ સાથે ભોગ બનનાર દીકરીના માતા પિતાને રૂ. 5.28 લાખનું વળતર ચૂકવવાનો પણ આદેશ કરવામાં આવ્યો છે.