સેટેલાઈટનો કચરો અંતરિક્ષમાં એટલો કે સૂર્ય પ્રકાશને પણ પૃથ્વી પર નહીં આવવા દે

સેટેલાઈટનું પ્રક્ષેપણ મર્યાદિત હોવું જોઈએ, અલગ – અલગ લોન્ચ કરવાને બદલે સંયુકત રીતે એક જ ઉપગ્રહ લોન્ચ કરવો જોઈએ : યુએન

પૃથ્વીની નીચેની ભ્રમણકક્ષા એટલે કે લોઅર અર્થ ઓર્બિટ (LEO) થોડા દિવસોમાં જામ થઈ જશે. સૂર્યપ્રકાશ પણ ફિલ્ટર દ્વારા આવશે. અથવા કદાચ ન પણ આવે. અન્ય કોઈ રોકેટ આ ભ્રમણકક્ષાને પાર કરી શક્યું નથી. આ સમગ્ર ઝોનમાં હાલમાં 14 હજારથી વધુ સેટેલાઈટ છે. જેમાંથી સાડા ત્રણ હજાર સેટેલાઇટ નકામા બની ગયા છે. આ સિવાય 12 કરોડનો સ્પેસ જંક ઘૂમી રહ્યો છે. સ્પેસ ટ્રાફિક કોઓર્ડિનેશન માટે રચાયેલી યુએન પેનલને ચિંતા છે કે, આ સમયે દેશો, કંપનીઓ અને કોર્પોરેટોએ સેટેલાઇટ લોન્ચિંગ વિશે વિચારવું જોઈએ. ઉપગ્રહોનું પ્રક્ષેપણ મર્યાદિત હોવું જોઈએ. જગ્યામાંથી કચરો સાફ કરવો જોઈએ.

કારણ કે જો ત્યાં ઘણા બધા ઉપગ્રહો હશે તો તેમના ટ્રાફિકનું સંચાલન કરવું મુશ્કેલ બની જશે. યુનાઈટેડ નેશન્સ ઓફિસ ફોર આઉટર સ્પેસ અફેર્સના ડાયરેક્ટર આરતી હોલા-મૈને કહ્યું કે, આપણે પૃથ્વીની આસપાસ ફરતા અવકાશના કાટમાળ અને ઉપગ્રહોને સાફ કરવાના છે. અન્યથા ભવિષ્યમાં તેમની વચ્ચે સ્પર્ધા થશે. આરતીએ કહ્યું કે, તેઓ ધરતી પર પડશે. સ્પેસ મિશનને આ પટ્ટો પાર કરવો પડશે. જેમાં અવકાશયાન અને માનવતાવાદી મિશન જોખમમાં આવી શકે છે. વિશ્વના તમામ સક્ષમ દેશો, કંપનીઓ અને કોર્પોરેટોએ ઉપગ્રહોની સંખ્યા મર્યાદિત કરવા વિશે વિચારવું પડશે. તેનાથી સમસ્યા ઓછી થશે નહીંતર મોટી મુશ્કેલી ઊભી થઈ શકે છે.

આનો સરળ ઉપાય એ છે કે, એક જ હેતુ માટે અલગ-અલગ દેશોના અલગ-અલગ સેટેલાઇટ લોન્ચ કરવાને બદલે સંયુક્ત રીતે એક જ સેટેલાઇટ લોન્ચ કરવો જોઈએ. તેનાથી કચરો ઓછો થશે. પરંતુ આ મામલે સમસ્યા બે સૌથી મોટા દેશોની છે. પ્રથમ ચીન અને બીજું રશિયા. માત્ર ઓગસ્ટમાં, એક ચીની રોકેટનો એક ભાગ એ જ ભ્રમણકક્ષામાં વિસ્ફોટ થયો હતો, જેના કારણે કાટમાળના હજારો ટુકડાઓ વિખેરાઈ ગયા હતા. જૂનમાં એક નકામો રશિયન ઉપગ્રહ વિસ્ફોટ થયો હતો. જેના કારણે ઈન્ટરનેશનલ સ્પેસ સ્ટેશનના અવકાશયાત્રીઓ જોખમમાં મુકાઈ ગયા હતા. તેને એક કલાક માટે રેસ્ક્યુ મોડ્યુલમાં શિફ્ટ કરવું પડ્યું.