જિલ્લા અને શહેર પ્રમુખનો તાજ મતદારોના કે મારા-તમારાની ગોઠવણ?

જૂનાગઢ જિલ્લા અને મહાનગર ભાજપ પ્રમુખની દાવેદારીમાં રાફડો ફાટ્યો

શહેર અને જિલ્લામાં આગામી ચૂંટણી, જ્ઞાતિ જાતિના સમીકરણની ફોર્મ્યૂલા !

મેયર કોણ?, ડે.મેયર કોણ?, ચેરમેન કોણ? આ પાસાઓ ધ્યાન રખાશે ખરા ?

ખાસ-ખબર ન્યૂઝ જૂનાગઢ, તા.7
જૂનાગઢ ભાજપ મહાનગર અને જિલ્લા પ્રમુખ પદ માટેની સેન્સ પ્રક્રિયા સાથે ફોર્મ ભરવાની પ્રક્રિયા પૂર્ણ થઇ છે તેમાં શહેર અને જિલ્લામાં પ્રમખ દાવેદારી માટે રાફડો ફાટ્યો છે.ત્યારે મહાનગરના પ્રમુખ બનવા માટે 43 દાવેદારોએ ફોર્મ ભર્યા છે જયારે જિલ્લા પ્રમુખ માટે 36 જેટલા ફોર્મ ભરાયાનું હોવાની વાત મળી રહી છે.આમ જાણે ધારાસભ્ય ચૂંટણી હોઈ તેમ ભાજપના પ્રમુખ બનવા પણ હવે હોડ લાગી છે.એવા સમયે પ્રદેશ ભાજપે આ વખતે પ્રથમ વખત અનેક નિયમો સાથે પ્રમુખની નિમણૂંક કરવા ક્રાઈટ એરિયા નક્કી કર્યા છે.ત્યારે ગુજરાત ભાજપમાં ભૂતકાળમાં અનેક એવા નિર્ણયો થયા છે જે લોકોની સમજ બહાર હોઈ છે એવા સમયે હવે ભારતીય જનતા પાર્ટી પ્રદેશ પમુખથી લઈને મહાનગર અને જિલ્લાના પ્રમુખ માટે કેવા નિર્ણય લેવામાં આવશે તેતો આગામી દિવસોમાં નિમણૂંક બાદ ખબર પડશે.

જૂનાગઢ શહેરની વાત કરીયેતો આગામી દિવસોમાં મહાનગર પાલિકાની ચૂંટણી આવી રહી છે.ત્યારે પ્રથમ અઢી વર્ષ સામાન્ય એટલે સવર્ણ માટે મેયર પદ રહેશે તેની સાથે હજુ ડે.મેયર પદ તેમજ સ્ટેન્ડિંગ ચેરમેન અને શાશક પક્ષના નેતા અને દંડકનો પણ સમાવેશ થાય છે.ત્યારે વાત મુદ્દાની એ છે કે, જો ભાજપની બોડી આવેતો આ પદ શક્ય છે.પણ ભાજપની બોડી ન આવેતો આ વિચાર સાથે મહાનગર પ્રમુખ પદ કોને મળે તે પણ જોવાનું રહ્યું એજ રીતે જિલ્લામાં પણ સાંસદ કોળી જ્ઞાતિનું પ્રભુત્વ ધરાવતા રાજેશ ચુડાસમા છે ત્યારે જિલ્લામાં બે ધારાસભ્ય પણ કોળીના છે તેમજ બે કડવા પાટીદારના ધારાસભ્ય છે.ત્યારે હજુ વિસાવદરની ચૂંટણી પણ બાકી છે.એવા સમયે જ્ઞાતિ જાતિના સમીકરણ મુજબ જિલ્લા પ્રમુખની નિમણૂંક કરાઈ તેવા સમીકરણો જોવા મળી રહ્યા છે.
ગુજરાતના તમામ શહેરો અને જિલ્લાઓની સાથે જુનાગઢ શહેર અને જિલ્લા ભાજપના નવા પ્રમુખની વરણી કરવાનો તબકકો ચાલી રહ્યો છે. આ દરમિયાને પ્રદેશ ભાજપ પ્રમુખ કેન્દ્રીય મંત્રી સી.આર.પાટીલ બે દિવસ અગાઉ કેશોદમાં એક કાર્યક્રમમાં શહેર અને જિલ્લા ભાજપ પ્રમુખ વિશે કરેલા નિવેદનથી અનેક અટકળો તેજ બની છે. જિલ્લા ભાજપ પ્રમુને થોડા દિવસના અઘ્યક્ષ ગણાવતા તેમના નિવેદનથી રાજકીય ગરમાવો આવ્યો છે. બીજી તરફ જૂનાગઢ શહેર ભાજપ પ્રમુખ બનાવા માટે રાફડો ફાટળ્યો છે.

કેશોદ પધારેલા સી.આર.પાટીલે બંને પ્રમુખ માટે શું માર્મીક ટકોર કરી હતી
આ તમામ ઘટનાક્રમ વચ્ચે પ્રદેશ ભાજપ પ્રમુખ અને કેન્દ્રીય મંત્રી સીઆર પાટીલ કેશોદ ખાતે જળ સંચયના કાર્યક્રમમાં આવ્યા હતા. આ કાર્યક્રમમાં તેમણે તેમના વકતવ્યની શરૂઆત કરી હતી કે, જૂનાગઢ જિલ્લા ભાજપના થોડા દિવસના અઘ્યક્ષ કિરીટ પટેલ, હું પણ થોડા દિવસનો જ અઘ્યક્ષ છુ, મે તેમને કમલમમાં કહ્યુ હતુ કે પીપળ પાન ખરંતા, હસતી કુપળીયા, મુજ વિતી તુજ વીતશે ધીરી ખમ બાપલીયા આમ કહી તેમણે જાણે જિલ્લા પ્રમુને ઇશારો કર્યો હતો કે હવે તમારો સમય પુરો થયો છે. ત્યાર બાદ જૂનાગઢ શહેર પ્રમુ પુનિત શર્મા વિશે પણ ટકોર કરી ત્યારે શહેર ભાજપ પ્રમુખને બદલે જિલ્લા ભાજપ પ્રમુખ ગણાવી તેમને રિપીટ થવાની શકયતાઓ લાગે છે એવુ એ માને છે એમ કહયુ હતુ. આમ, બંને પ્રમુખને આડકતરો ઇશારો કર્યો હતો હવે એ ઇશારો શું હશે તેને લઇ રાજકીય લોકોમાં અનેક ગણિત માંડી રહ્યા છે.