દિવાળીના તહેવારો નજીક આવી રહ્યાં છે એવામાં ગુજરાતની જનતા માટે માઠા સમાચાર સામે આવ્યા છે. કારણ કે ગુજરાતમાં અમદાવાદમાં દેશનો સૌ પ્રથમ ઓમિક્રોન BF.7નો કેસ નોંધાયો છે.
ભારત સહિત હવે વિશ્વભરમાં ધીરે-ધીરે કોરોનાના કેસો ઘટી રહ્યાં છે. દેશમાં કોરોનાના નવા એક્ટિવ કેસોની સંખ્યા 26 હજારની નજીક છે. લોકો પણ હવે ધૂમધામથી તહેવારો મનાવી રહ્યાં છે. એવામાં ગુજરાતમાંથી એક માઠા સમાચાર સામે આવી રહ્યાં છે.
- Advertisement -
દર્દીની કોઈ વિદેશ હિસ્ટ્રી પણ ન હોતી
હવે જ્યારે તહેવારો નજીક આવી રહ્યાં છે, રાજ્યમાંથી કોરોનાને લગતા પ્રતિબંધો પણ હટાવી દેવાયા છે. એવામાં ઓમિક્રોનના સબ વેરિઅન્ટ્સ BF.7 અને XBB ઘણા દેશોમાં ઝડપથી ફેલાઇ રહ્યાં છે. ત્યારે હવે ગુજરાતમાં પણ ઓમિક્રોનના નવા BF.7 વેરિઅન્ટે દેખા દીધી છે. અમદાવાદમાં ડ્રાઈવ ઈન રોડ પાસે રહેતા 60 વર્ષીય વૃદ્ધમાં આ વાઈરસ જોવા મળ્યો હતો. જોકે આ દર્દીને દાખલ કરવાની જરૂર ન હોતી પડી. આ સાથે દર્દીની કોઈ વિદેશ હિસ્ટ્રી પણ ન હોતી. પરંતુ સાવચેતીના ભાગરૂપે મ્યુનિ.એ દર્દીના પરિવાર અને કોન્ટેક્ટમાં આવેલા 10થી વધુ લોકોની ચિહ્નો આધારિત તપાસ કરી હતી. કારણ કે આ સબ વેરિએન્ટને સંક્રમક કહેવામાં આવી રહ્યો છે. વૈજ્ઞાનિકોનું કહેવું છે કે તેની સંરચરણ ક્ષમતા પણ વધુ છે.
15મી જુલાઈએ આ દર્દીના સેમ્પલ ગાંધીનગર સ્થિત ગુજરાત બાયોટેક્નોલોજી રિસર્ચ સેન્ટર (GBRC) માં તપાસ અર્થે મોકલાયા હતા. લેબોરેટરીમાં દર્દીના સેમ્પલનું જિનોમ સિક્વન્સિંગ કરાયું હતું. જિનોમ સિક્વન્સિંગમાં વાઈરસનો સ્ટ્રેન BF.7 હોવા અંગે સોમવારે મ્યુનિ.ને જાણ કરાઈ હતી. આથી, મ્યુનિ. આરોગ્ય વિભાગની ટીમે દર્દીના પરિવાર અને તેમના સંપર્કમાં આવેલા લોકોની ચિહ્નો આધારિત તપાસ કરી હતી. જોકે તે પૈકી એક પણમાં તેના લક્ષણો જોવા ન હતા મળ્યા.
- Advertisement -
BF.7 વેરિઅન્ટ ચીન ઉપરાંત 5 દેશોમાં જોવા મળ્યો
તમને જણાવી દઇએ કે, BF.7 વેરિઅન્ટ ઓફ કન્સર્નના કેસ ચીન ઉપરાંત પાંચ દેશોમાં જોવા મળ્યા છે. જેમાં UK, જર્મની, ફ્રાન્સ, યુએસ અને હવે ભારતનો તેમાં સમાવેશ થાય છે.
શું નવો OMICRON વેરિઅન્ટ ઘાતક છે?
નિષ્ણાંતના જણાવ્યા અનુસાર, આ સબ વેરિઅન્ટને લઇને એડ્વાઇઝ જાહેર કરતા કહ્યું છે કે અત્યારથી માસ્ક લગાવવું ખૂબ જરૂરી છે. તેની સાથે જ જો વાયરલના લક્ષણ દેખાય તો પોતાને આઇસોલેટ થવું પણ ખાસ જરૂરી છે. BF.7 વેરિઅન્ટ અન્ય ઓમિક્રોન સબ-વેરિઅન્ટની તુલનામાં પહેલાના વેક્સિનેશન અને એન્ટીબોડીથી બચી શકે છે એટલા માટે આને વધુ સંક્રમક ગણવામાં આવે છે.
