‘અધિકારીઓના મમરા ભરી દેવા છે’ કહી કંડકટર દરવાજે લટક્યો !

રાજકોટની 85 નંબરની સિટી બસનો કંડકટર નશામાં ધૂત: વિડીયો વાયરલ

મુસાફર ટિકિટ માંગે તો કહી દેવાનું મશીન બંધ છે !: સસ્પેન્ડ કરાયો

ખાસ-ખબર ન્યૂઝ રાજકોટ

રાજકોટ સિટી બસની કથડીને ખાડે ગયેલી સુવિધા વધુ એક વિવાદમાં સપડાઈ છે રવિવારે કાલાવડ રોડ પર કણકોટના પાટિયા પાસે બેફિકરાઇથી પસાર થયેલી સિટી બસે માતા-પુત્રને અડફેટે લીધાં હતાં. જેમાં સાત વર્ષના બાળકનું તેની માતાની નજર સામે જ કમકમાટીભર્યું મોત નીપજ્યું હતું ત્યારે વધુ એક સિટી બસનો કંડક્ટર નશામાં ધૂત થઈ દરવાજે ટીંગાયો હોવાનો આરોપ લગાવતો વીડિયો પણ સામે આવ્યો છે નશેડી કંડકટર અધિકારીઓને પણ ગાળો ભાંડી રહ્યો હોવાનું વિડિયોમાં જોવા મળ્યું છે. વાયરલ વીડિયોમાં દર્શાવ્યા પ્રમાણે માધાપર ચોકડીથી 85 નંબરની સીટી બસ આજી ડેમ ચોકડી તરફ જતી હતી. જેમાં કંડક્ટર તરીકે નોકરી કરતો શખ્સ બાબુ પરમાર ચિક્કાર દારૂના નશામાં જોવા મળ્યો હતો. કંડક્ટરને અન્ય શખ્સે કહ્યું કે આગળ સાહેબનું ચેકિંગ છે, તું બેસી જા. તો નશામાં ધૂત કંડક્ટરે બફાટ કરતાં કહ્યું હતું કે છખઈ વાળાના મમરા ભરી દેવા છે કહી સાહેબ ગાળો ભાંડી હતી જુના એરપોર્ટ પાસેથી બસ પસાર થઈ ત્યારે મારે વિમાન જોવું છે, કહી દરવાજે લટક્યો હતો. થોડે આગળ જતા કોઈ મુસાફર નથી ચાલો આજી ડેમ ચાલો આજી ડેમ કહી બારીમાંથી ડોકિયું કરી દેકારો કર્યો હતો. ત્યારે દરવાજો બંધ થઈ જતા તેનું ચપ્પલ પણ ફસાઈ ગયું હતું. મુસાફરોના પૈસા ઓળવી જવા અંગે કહ્યું હતું કે, જેટલા મુસાફરો હોય તેને બેસાડી દેવાના પૈસા લઈ લેવાના અને ટિકિટ માગે તો કહી દેવાનું કે મશીન બંધ છે રાજકોટની સિટી બસમાં બાબુ પરમાર નામનો કંડક્ટર માધાપરથી આજી ડેમ ચોકડી તરફ જતી બસમાં ફરજ પર હતો. ધમાલ મચાવી હતી આ અંગે મનપાના સંલગ્ન અધિકારીએ જણાવ્યું હતું કે, તેને માનસિક બીમારી છે અને વિડીયો વાયરલ થાય બાદ સસ્પેન્ડ કરી દેવામાં આવ્યો છે.

વાયરલ વિડીયો અંગે શહેર ભાજપ પ્રમુખનું નિવેદન
રાજકોટની સિટી બસમાં કંડકટર પીધેલી હાલતમાં બફાટ કરતો હોય તેવો વિડીયો વાયરલ થતાં આ અંગે શહેર ભાજપ પ્રમુખ મુકેશ દોશીએ પ્રતિક્રિયા આપતા જણાવ્યું હતું કે તંત્રએ નિયમોને આધીન ડ્રાઇવરોની ભરતી કરવી જોઈએ વ્યસનોથી દૂર હોય તેવા ડ્રાઇવરોની ભરતી કરવી જોઈએ માનવ જિંદગીથી વધારે કોઈ વસ્તુનું મૂલ્ય હોઈ શકે નહીં વ્યસન કરતા અને ગેરકાયદેસર પ્રવૃત્તિ કરતા કર્મચારીઓ સામે પગલાં લેવા જોઈએ કડકમાં કડક કાર્યવાહી થવી જોઈએ.

સિટી બસ કોન્ટ્રાકટરને બ્લેક લિસ્ટ કરવા જોઈએ: કોંગ્રેસ પ્રમુખ

રાજકોટ અણધડ વહીવટમાં ચાલતી સિટી બસ ફરી વિવાદમાં સપડાઈ છે શહેરમાં સિટી બસ ચાલકોની બેદરકારીને લઇને કોંગ્રેસ પ્રમુખ અતુલ રાજાણીએ પ્રતિક્રિયા આપતા જણાવ્યું હતું કે છેલ્લા થોડા સમયમાં સિટી બસને લીધે અકસ્માતના 5 બનાવો બન્યા છે સિટી બસના ચાલકે તાજેતરમાં રેલનગરમાં અને રવિવારે કણકોટમાં અકસ્માત સર્જ્યો હતો જેમાં મહિલા અને બાળકનું મોત થયું હતું ત્યારે સિટી બસ સંચાલકો દ્વારા નોમ્સનું પાલન કરવામાં આવતું નથી લાયસન્સ, ફિટનેસ સહિતના મુદ્દાઓમાં નોમ્સનું પાલન કરવામાં આવતું નથી રાજકોટની જનતાને સારી સુવિધા મળે તે જરૂરી છે માનસિક અસ્થિર વ્યક્તિની ભરતી કરવામાં આવી છે ત્યારે ભાજપના પ્રમુખ મોટી મોટી વાતો કરે છે પહેલા પગલાં લેવાની જરૂર હતી.

વાયરલ વિડીયો અંગે શહેર ભાજપ પ્રમુખનું નિવેદન
રાજકોટની સિટી બસમાં કંડકટર પીધેલી હાલતમાં બફાટ કરતો હોય તેવો વિડીયો વાયરલ થતાં આ અંગે શહેર ભાજપ પ્રમુખ મુકેશ દોશીએ પ્રતિક્રિયા આપતા જણાવ્યું હતું કે તંત્રએ નિયમોને આધીન ડ્રાઇવરોની ભરતી કરવી જોઈએ વ્યસનોથી દૂર હોય તેવા ડ્રાઇવરોની ભરતી કરવી જોઈએ માનવ જિંદગીથી વધારે કોઈ વસ્તુનું મૂલ્ય હોઈ શકે નહીં વ્યસન કરતા અને ગેરકાયદેસર પ્રવૃત્તિ કરતા કર્મચારીઓ સામે પગલાં લેવા જોઈએ કડકમાં કડક કાર્યવાહી થવી જોઈએ.