કેન્દ્રીય ચૂંટણી પંચે પૂર્વોત્તરના ત્રણ રાજ્યોની ચૂંટણીની કરી જાહેરાત, જાણો ક્યા રાજ્યમાં કેટલી બેઠક

કેન્દ્રીય ચૂંટણી પંચે પૂર્વોત્તરના ત્રણ રાજ્ય ત્રિપુરા, મેઘાલય અને નાગાલેન્ડમાં વિધાનસભાની ચૂંટણીની તારીખોનું આજે એલાન કરી દીધું છે.

પૂર્વોત્તરના ત્રણ રાજ્ય ત્રિપુરા, મેઘાલય અને નાગાલેન્ડમાં વિધાનસભાની ચૂંટણીનું બ્યૂગલ ફૂંકાઈ ગયું છે. મુખ્ય ચૂંટણી કમિશનર રાજીવ કુમાર દિલ્હીમાં પ્રેસ કોન્ફરન્સમાં ત્રણેય રાજ્યોની વિધાનસભાની ચૂંટણીનું એલાન કરીને રાજકીય પક્ષોને નેતાઓને સભાઓ ગજવાની તક આપી દીધી છે. ત્રણ રાજ્યોનું ચૂંટણી શિડ્યુઅલ જાહેર કરતાં મુખ્ય ચૂંટણી કમિશનર રાજીવ કુમારે જણાવ્યું હતું કે ત્રિપુરામાં 16 ફેબ્રુઆરી અને મેઘાલય અને નાગાલેન્ડમાં 27 ફેબ્રુઆરીએ મતદાન થશે અને 2 માર્ચ 2023ના દિવસે ત્રણેય રાજ્યોમાં ચૂંટણી પરિણામ જાહેર કરી દેવાશે.

ત્રિપુરામાં 16 અને 27 ફેબ્રુઆરીએ મતદાન
મુખ્ય ચૂંટણી કમિશનર રાજીવ કુમારે કહ્યું કે ત્રિપુરામાં 16 અને 27 ફેબ્રુઆરીએ મતદાન યોજાશે તથા 2 માર્ચે મતગણતરી થશે.

Voting for Assembly elections in Tripura to be held on February 16 & in Nagaland & Meghalaya on February 27; results to be declared on March 2.#AssemblyElections2023 https://t.co/V8eOZvhc5g pic.twitter.com/rRNKWeNjUq

— ANI (@ANI) January 18, 2023

- Advertisement -

ત્રણ રાજ્યોનું ચૂંટણી શિડ્યુઅલ જાહેર

ત્રણ રાજ્યોનું ચૂંટણી શિડ્યુઅલ જાહેર કરતાં મુખ્ય ચૂંટણી કમિશનર રાજીવ કુમારે જણાવ્યું હતું કે, ત્રણેય રાજ્યોની મુલાકાત ચૂંટણી પંચના અધિકારીઓએ લીધી હતી. આ દરમિયાન તેમણે ત્યાંના પ્રશાસનિક અધિકારીઓ સાથે મુલાકાત કરી. કેટલાક જ રાજ્યો એવા છે જ્યાં ચૂંટણી બાદ અને તે પહેલા હિંસાની ઘટનાઓ જોવા મળે છે. હાલમાં જ બે રાજ્યોમાં ચૂંટણી થઈ છે, જ્યાં ચૂંટણી દરમિયાન આવી કોઈ હિંસા થઈ નથી. “લોકશાહીમાં હિંસાને કોઈ સ્થાન નથી. અમને આશા છે કે આ ચૂંટણીમાં પણ હિંસા જોવા નહીં મળે.

નાગાલેન્ડમાં 2,315, મેઘાલયમાં 3,482 અને ત્રિપુરામાં 3,328 પોલિંગ બૂથ
મુખ્ય ચૂંટણી કમિશનરે જણાવ્યું હતું કે, મતદાર યાદી પ્રસિદ્ધ થઈ ગઈ છે. ત્રણેય રાજ્યોમાં મહિલા મતદારોની સંખ્યા વધી છે. તેમણે કહ્યું કે નાગાલેન્ડમાં 2,315, મેઘાલયમાં 3,482 અને ત્રિપુરામાં 3,328 પોલિંગ બૂથ બનાવવામાં આવ્યા છે. 50 ટકા પોલિંગ બૂથ પર વેબ કાસ્ટિંગ કરવામાં આવશે.

કયા રાજ્યમાં કેટલી બેઠક
ત્રિપુરા-60
મેઘાલય-60
નાગાલેન્ડ-60

મેઘાલયમાં ગત વખતે કોંગ્રેસ બની હતી સૌથી મોટી પાર્ટી
મેઘાલયની 2018ની વિધાનસભાની ચૂંટણીમાં 21 બેઠકો સાથે કોંગ્રેસ સૌથી મોટી પાર્ટી બની હતી જોકે 60 બેઠકોવાળી વિધાનસભામાં બહુમતથી ઘણી પાછળ હતી. એનપીઈપીને 19, યુડીપીને 6 અને બાકીના પક્ષોને 14 બેઠક મળી હતી.

નાગાલેન્ડમાં 60 બેઠકો પર મતદાન
નાગાલેન્ડમાં પણ 60 બેઠકો પર મતદાન થશે. 2018ની ચૂંટણીમાં એનપીએફને 26, એનડીપીપીને 18, ભાજપને 12 જ્યારે બાકીનાના ખાતામાં 4 બેઠક આવી હતી.

ત્રિપુરામાં 60 બેઠકો પર મતદાન
ત્રિપુરામાં હાલમાં ભાજપની સરકાર છે. ગત વિધાનસભાની ચૂંટણીમાં ભાજપે ત્રિપુરામાં ક્લિનસ્વીપ કર્યો હતો. 60 બેઠકોવાળી વિધાનસભામાં ભાજપના 36, સીપીએમના 16 અને IPFTના 8 ધારાસભ્ય છે.