બોર્ડની માર્ક્સશીટ આ વર્ષ જુદી હશે

બોર્ડે પલટી મારી!: માકર્સશીટ પાછળ માસ પ્રમોશનનું નોટિફિકેશન છપાશે 

માર્ક્સશીટનાં ડિઝાઇન બદલવા અંગે શિક્ષણબોર્ડ નિર્ણય લેશે

ખાસ-ખબર સંવાદદાતા

કોરોના મહામારીને કારણે આ વર્ષે ધોરણ 10 અને 12 બંનેમાં માસ પ્રમોશન આપી દેવાયું છે અને બંને ધોરણમાં માર્ક્સ મૂકવાની ફોમ્ર્યુલા જાહેર કર્યા બાદ દરેક સ્કૂલે શિક્ષણ બોર્ડની વેબસાઈટ પર માર્ક્સ પણ અપલોડ કરી રહ્યા છે. તાજેતરમાં શિક્ષણ બોર્ડની રાજ્યના સરકારી, ગ્રાન્ટેડ શાળાના આચાર્યો અને શિક્ષકો સાથે વર્ચ્યુઅલ મીટિંગ કરવામાં આવી હતી, જેમાં બોર્ડના વિદ્યાર્થીઓને માર્ક્સ આપવા, ફોમ્ર્યુલા પ્રમાણે ગણતરી કરવી સહિતના મુદ્દે ચર્ચા કરવામાં આવી હતી. એવામાં આ વર્ષે ધો.10 અને 12ના વિદ્યાર્થીઓને અપાનારી માર્ક્સશીટ પણ દર વર્ષ કરતાં અલગ હોવાનું શિક્ષણવિદો જણાવે છે.

દર વર્ષ કરતાં આ વર્ષની માર્ક્સશીટમાં રૂપ-રંગ જુદા કરવામાં આવી શકે છે. માર્ક્સશીટની પાછળની બાજુ સરકારે વિદ્યાર્થીઓને માસ પ્રમોશન આપ્યું એ અંગેનું નોટિફિકેશન પણ છપાશે. આ ઉપરાંત ધો.10માં અને ધો.12માં કઈ ફોમ્ર્યુલાથી વિદ્યાર્થીઓને માર્ક્સ અપાયા એ ફોમ્ર્યુલા પણ માર્ક્સશીટની પાછળ છાપવાની સંભાવના રહેલી છે.
આ અંગે જિલ્લા શિક્ષણાધિકારી બી.એસ. કૈલાએ જણાવ્યું હતું કે માર્ક્સશીટમાં ક્યાંય માસ પ્રમોશન પણ દર્શાવાશે નહીં. આ વર્ષની માર્ક્સશીટના કલર કે ડિઝાઇન બદલવા અંગે શિક્ષણ બોર્ડ નિર્ણય લેશે, પરંતુ માર્ક્સશીટની પાછળની બાજુ આ વર્ષે સરકારે વિદ્યાર્થીઓને જે માસ પ્રમોશન આપ્યું છે એ અંગેની જોગવાઈનો ઉલ્લેખ કરાશે. આ ઉપરાંત બંને ધોરણની જુદી જુદી ફોમ્ર્યુલા પણ માર્ક્સશીટની પાછળ છપાશે. કલર-ડિઝાઈન સામાન્ય બાબત છે એ અંગે બોર્ડ નિર્ણય કરશે. આ બાબતોને કારણે આ વર્ષની ધોરણ 10 અને 12ની માર્ક્સશીટ દર વર્ષ કરતાં જુદી હશે.