નીતા અંબાણી અને મુકેશ અંબાણીની પૌત્રી વેદાનો પ્રથમ જન્મદિવસ ક્રુઝ પર ખૂબ જ ધામધૂમથી ઉજવવામાં આવ્યો હતો. હવે વેદાની બર્થડે પાર્ટીની એક ઝલક પણ સામે આવી છે. જે એકદમ યુનિક છે.
હાલમાં, અંબાણી પરિવાર અનંત અંબાણી અને રાધિકા મર્ચન્ટની પ્રી-વેડિંગ પાર્ટીને લઈને ચર્ચામાં છે. આ પાર્ટી લક્ઝરી ક્રૂઝ પર 29 મેથી યોજાઈ રહી છે. આ પ્રી-વેડિંગમાં બોલિવૂડ, હોલીવુડ અને દુનિયાની ઘણી જાણીતી હસ્તીઓ સામેલ છે, જ્યાં મહેમાનોને યુરોપના પ્રવાસ પર લઈ જવામાં આવી રહ્યા છે. અત્યાર સુધી આ પાર્ટીની ઘણી ઝલક પણ સામે આવી છે, જેની દરેક જગ્યાએ ચર્ચા થઈ રહી છે.
- Advertisement -
ખાસ વાત એ છે કે અનંત અંબાણી અને રાધિકા મર્ચન્ટના પ્રી-વેડિંગ દરમિયાન અંબાણી પરિવારની રાજકુમારી વેદાનો પ્રથમ જન્મદિવસ પણ ઉજવવામાં આવ્યો હતો. હવે વેદાની પાર્ટી થીમની પ્રથમ ઝલક સામે આવી છે.
અંબાણી પરિવાર તેની રાજકુમારી વેદાના પ્રથમ જન્મદિવસની ભવ્ય રીતે ઉજવણી કરી છે. વેદાને તેના કાકા અનંત અંબાણી અને કાકી રાધિકા મર્ચન્ટની પ્રી-વેડિંગ પાર્ટી સાથે ક્રૂઝ પર તેનો પહેલો જન્મદિવસ ઉજવવાની તક મળી હતી. આ દરમિયાન ક્રુઝ પર વેદા માટે થીમ આધારિત પાર્ટીનું આયોજન કરવામાં આવ્યું હતું. વેદાની બર્થડે પાર્ટીની ઝલકમાં જોવા મળે છે કે ક્રુઝને સૂર્યમુખીથી સજાવવામાં આવ્યું છે. આકાશ અંબાણી અને શ્લોકા મહેતાની દીકરી વેદાના જન્મદિવસની થીમ ‘વી ટનર્સ વન અન્ડર ધ સન’ હતી, તેનો ડ્રેસ કોડ ‘પ્લેફુલ’ હતો. જો કે, પાર્ટીની થીમ સિવાય, વેદાના જન્મદિવસની અન્ય કોઈ તસવીર હજુ સુધી સામે આવી નથી, જેના માટે ફેન્સ ખૂબ જ ઉત્સાહિત છે.
અનંત અંબાણી અને રાધિકા મર્ચન્ટની બીજી પ્રી-વેડિંગ પાર્ટી 29 મેથી શરૂ થઈ હતી, જે ફ્રાન્સમાં આજે 1 જૂને પૂરી થશે. આ ક્રૂઝનું નામ સેલિબ્રિટી એસેન્ટ છે, જે માલ્ટામાં બનાવવામાં આવ્યું છે. તેમાં 5 સ્ટાર હોટલની તમામ સુવિધાઓ છે અને તેથી તે પાણી પર તરતું એક આલીશાન રિસોર્ટ છે, જેના પર સ્ટાર્સને યુરોપના પ્રવાસ પર લઈ જવામાં આવે છે. આ દરમિયાન અનંત અને રાધિકાના લગ્નની તારીખ પણ સામે આવી છે. બંને 12 જુલાઈના રોજ લગ્ન કરવા જઈ રહ્યા છે. તેના લગ્નનો કાર્યક્રમ ત્રણ દિવસ સુધી Jio વર્લ્ડ કન્વેન્શન સેન્ટરમાં યોજાશે.