મહારાષ્ટ્ર સાયબર સેલે તમન્ના ભાટિયાને સમન્સ મોકલ્યું છે. અહેવાલો અનુસાર, તમન્નાને IPL 2023ના ગેરકાયદેસર સ્ટ્રીમિંગ કેસમાં સાયબર બ્રાન્ચ સમક્ષ હાજર થવા માટે કહેવામાં આવ્યું છે.
આઈપીએલ 2024ને લઈને ભારે ક્રેઝ જોવા મળી રહ્યો છે. ક્રિકેટ ચાહકો પોતાની ફેવરિટ ટીમને સપોર્ટ કરી રહ્યા છે. આ દરમિયાન ઘણી વેબસાઈટ પર IPLના ગેરકાયદેસર સ્ટ્રીમિંગના કિસ્સા પ્રકાશમાં આવ્યા છે. તાજેતરમાં જ આ કેસમાં સંજય દત્તને પૂછપરછ માટે બોલાવવામાં આવ્યો હતો. હવે આ મામલે એક જાણીતી અભિનેત્રી તમન્ના ભાટિયાને સમન્સ મોકલવામાં આવ્યું છે.
- Advertisement -
તમન્ના ભાટિયાને સમન્સ મોકલાયું
રિપોર્ટ અનુસાર તમન્ના ભાટિયાને ફેરપ્લે એપ પર IPL 2023 ના ગેરકાયદેસર સ્ટ્રીમિંગ મામલામાં પૂછપરછ માટે સમન્સ મોકલવામાં આવ્યું છે.સાયબર પોલીસ તમન્ના પાસેથી જાણવા માંગે છે કે ફેરપ્લેને પ્રમોટ કરવા માટે તેનો સંપર્ક કોણે કર્યો, તેણે આ કેવી રીતે કર્યું અને તેના માટે તેને કેટલા પૈસા અને કયા માધ્યમથી પૈસા મળ્યા હતા.
Maharashtra Cyber summons actor Tamannaah Bhatia for questioning in connection with the illegal streaming of IPL 2023 on Fairplay App that caused loss of Crores of Rupees to Viacom. She has been asked to appear before Maharashtra Cyber on 29th April.
Actor Sanjay Dutt was also… pic.twitter.com/3Y4TvPHayh
- Advertisement -
— ANI (@ANI) April 25, 2024
સંજય દત્તને પણ સમન્સ મોકલાયું હતું
તમન્ના ભાટિયા પહેલા અભિનેતા સંજય દત્તને પણ આ સંબંધમાં 23 એપ્રિલે સમન્સ મોકલવામાં આવ્યો હતો, પરંતુ અભિનેતા તેમની સામે હાજર થયો ન હતો. જો કે, સંજય દત્તે પોતાનું નિવેદન નોંધવા માટે તારીખ અને સમય માંગ્યો હતો અને હાજર થવાની તારીખ અંગે તેણે કહ્યું હતું કે તે દિવસે તે ભારતમાં નહોતો.
અહેવાલો અનુસાર, વાયાકોમ દ્વારા મહારાષ્ટ્ર સાયબર સેલમાં IPLના ગેરકાયદે પ્રસારણને લઈને ફરિયાદ દાખલ કરવામાં આવી છે. વાયાકોમે તેની ફરિયાદમાં દાવો કર્યો હતો કે ફેરપ્લેએ ટાટા આઈપીએલ (ઈન્ડિયન પ્રીમિયર લીગ) 2023ને ગેરકાયદેસર રીતે સ્ક્રીનીંગ કર્યું હતું અને તેના કારણે તેને 100 કરોડ રૂપિયાનું નુકસાન થયું હતું.
દિલ્હી હાઈકોર્ટમાં ચાલી રહી છે સુનાવણી…
IPLના ગેરકાયદે સ્ટ્રીમિંગનો મામલો દિલ્હી હાઈકોર્ટમાં ચાલી રહ્યો છે. હવે આ મામલે ફિલ્મ સ્ટાર્સનું નામ પણ જોડાઈ ગયું છે. IPLને લઈને ચાહકોમાં ભારે ક્રેઝ છે. લગભગ દરેક સિઝનને દર્શકો તરફથી સારો પ્રતિસાદ મળ્યો છે. આવી સ્થિતિમાં રિલાયન્સ ઇન્ડસ્ટ્રીઝ લિમિટેડ (RIL)ની પેટાકંપની વાયાકોમ 18 ને IPL 2023 ના ગેરકાયદેસર સ્ટ્રીમિંગને કારણે ભારે નુકસાન સહન કરવું પડ્યું હતું.
