કાશ્મીરમાં તાપમાન 10 ડિગ્રીની નીચે સરકયુ, વરસાદ તથા હિમવર્ષા થવાની પણ આગાહી

શ્રીનગરમાં દિવસનું તાપમાન 25.2 અને લઘુત્તમ 7.3 ડિગ્રી સેલ્સિયસ નોંધાયું હતું

જમ્મુ-કાશ્મીરના હવામાનમાં ફેરફારની શક્યતા છે. હવામાન કેન્દ્ર શ્રીનગર અનુસાર, ઉત્તર કાશ્મીરના કેટલાક ભાગોમાં 23 ઓક્ટોબરની મધ્યરાત્રિ અને 24 ઓક્ટોબરની સવાર દરમિયાન વરસાદ અને હિમવર્ષા થઈ શકે છે.

આ સમયગાળા દરમિયાન ઉત્તર અને મધ્ય કાશ્મીરના પહાડી વિસ્તારોમાં 28 ઓક્ટોબરે પણ હિમવર્ષા અને વરસાદની સંભાવના છે. તેનાથી ઠંડી વધશે. દરમિયાન મંગળવારે જમ્મુ-કાશ્મીરમાં હવામાન સ્વચ્છ રહ્યું હતું

કાશ્મીરના મોટાભાગના જિલ્લાઓમાં રાત્રિનું તાપમાન દસ ડિગ્રીથી નીચે છે. શ્રીનગરમાં દિવસનું તાપમાન 25.2 અને લઘુત્તમ 7.3 ડિગ્રી સેલ્સિયસ નોંધાયું હતું. પહેલગામમાં લઘુત્તમ તાપમાન 3.8 ડિગ્રી સેલ્સિયસ અને ગુલમર્ગમાં 4.8 ડિગ્રી સેલ્સિયસ નોંધાયું હતું. લેહમાં રાત્રિનું તાપમાન શૂન્ય છે. જમ્મુમાં દિવસભર હળવા વાદળો સાથે તડકો રહ્યો હતો. અહીં મહત્તમ તાપમાન 30.0 અને લઘુત્તમ તાપમાન 20.5 ડિગ્રી સેલ્સિયસ નોંધાયું હતું. બનિહાલમાં મહત્તમ તાપમાન 24.6 ડિગ્રી, બટોટમાં 23.8, કટરામાં 27.4 અને ભદરવાહમાં 23.8 ડિગ્રી સેલ્સિયસ નોંધાયું હતું.