ખાસ-ખબર સંવાદદાતા
ઝારખંડની એક કોર્ટે 2019ના તબરેઝ અંસારી લિંચિંગ કેસમાં બુધવારે તમામ 10 દોષિતોને 10 વર્ષની સજા સંભળાવી છે. સરાયકેલા કોર્ટે ઈંઙઈની કલમ 304 અંતર્ગત દોષિતોને આ સજા સંભળાવી છે. સરાયકેલાના ધાતકીડીહ ગામમાં વર્ષ 2019માં તબરેઝ મોબ લિંચિંગ કેસમાં એડીજે-1 અમિત શેખરની કોર્ટે 10 દોષીઓને 10 વર્ષની સજા સંભળાવી છે. આ સાથે જ તમામ પર 15 હજાર રુપિયાનો દંડ પણ ફટકાર્યો છે. કોર્ટમાં થયેલી સુનાવણી દરમિયાન સરાયકેલા સિવિલ કોર્ટના લોક અભિયોજક અશોક કુમાર રાયે 36 સાક્ષીઓના નિવેદન લીધા હતા.
આ પહેલા ઝારખંડની કોર્ટે 27 જૂને તબરેઝ અંસારી લિંચિંગ મામલે આ 10 લોકોને દોષી જાહેર કર્યા હતા. પબ્લિક પ્રોસિક્યૂટર અશોક કુમાર રાયે જણાવ્યું કે એક આરોપી કૌશલ મહાલીની સુનાવણી દરમિયાન જ મોત નિપજ્યા હતા. જ્યારે કે બે આરોપીઓને પુરાવાના અભાવમાં છોડી મુકવામાં આવ્યા હતા.
તબરેઝ અંસારી મોબ લિચિંગ કેસમાં જે 10 લોકોને દોષી જાહેર કરવામાં આવ્યા છે. તેમના નામ ભીમસિંહ મુંડા, કમલ મહતો, મદન નાયક, અતુલ મહાલી, સુમંત મહતો, વિક્રમ મંડલ, ચામૂ નાયક, પ્રેમચંદ મહાલી, મહેશ મહાલી છે. તેમણે દોષી જાહેર કરતા કસ્ટડીમાં લેવામાં આવ્યા હતા. આ કેસનો મુખ્ય આરોપી પ્રકાશ મંડલ ઉર્ફે પપ્પુ મંડલ પહેલાથી જ જ્યૂડિશિયલ કસ્ટડીમાં છે.
- Advertisement -
શું હતો મામલો?
ઝારખંડના સરાયકેલા પોલીસ સ્ટેશન અંતર્ગત ધાતકીડીહ ગામમાં 17 જૂન, 2019ના ચોરીનો આરોપાં તબરેઝ અંસારીની ઢોર માર મારીને હત્યા કરી દેવાઈ હતી. અંસારી પુણેમાં મજૂરીનું કામ કરતો હતો અને તે ઈદ ઉજવવા ઝારખંડ પોતાના ઘરે આવ્યો હતો. આ કેસમાં 13 આરોપીઓ વિરુદ્ધ ઋઈંછ કરવામાં આવી હતી. આ કેસમાં ટ્રાયલ દરમિયાન એક આરોપીનું મોત થયું હતું.
