સ્વચ્છ ભારત અભિયાનને 10 વર્ષ પૂર્ણ

સ્વચ્છ ભારત મિશન જેટલું સફળ થશે તેટલો જ આપણો દેશ ચમકશે, સૌ સાથે મળીને સ્વચ્છ ભારત બનાવીએ: PM મોદી

ખાસ-ખબર ન્યૂઝ  નવી દિલ્હી

વડાપ્રધાન નરેન્દ્ર મોદીએ બુધવારે ગાંધી જયંતિ પર, સ્વચ્છ ભારત મિશનની શરૂઆતના 10 વર્ષ પૂરા થવાના અવસર પર રાજધાની દિલ્હીના વિજ્ઞાન ભવનમાં સ્વચ્છ ભારત દિવસ 2024 કાર્યક્રમમાં ભાગ લીધો હતો. આ દરમિયાન વડાપ્રધાન મોદીએ 9600 કરોડ રૂપિયાથી વધુની સ્વચ્છતા સંબંધિત અનેક પ્રોજેક્ટનો શિલાન્યાસ કર્યો હતો. આ દરમિયાન મોદીએ કહ્યું કે વિકસિત ભારતની યાત્રામાં અમારા દરેક પ્રયાસો ‘સ્વચ્છતાથી સમૃદ્ધિ’ના મંત્રને મજબૂત કરશે. માત્ર ગંદકી પ્રત્યેની નફરત જ આપણને સ્વચ્છતા તરફ જવા મજબૂર કરી શકે છે અને મજબૂત પણ બનાવશે. મોદીએ કહ્યું- આજે દેશમાં સ્વચ્છતાના કાર્યક્રમો થઈ રહ્યા છે. લોકોએ સ્વચ્છતા અભિયાનને અપનાવ્યું છે.
વડાપ્રધાન નરેન્દ્ર મોદી બુધવારે ગાંધી જયંતિ નિમિત્તે નવી દિલ્હીમાં વિજ્ઞાન ભવન ખાતે સ્વચ્છ ભારત દિવસ 2024 કાર્યક્રમમાં ભાગ લીધો છે. જે સ્વચ્છતા માટેના સૌથી મહત્વપૂર્ણ જન ચળવળમાંના એક – સ્વચ્છ ભારત મિશનની શરૂઆતના 10 વર્ષ પુરા થવાનું પ્રતિક છે. મોદીએ વધુમાં કહ્યું, હું તમને બધાને વિનંતી કરું છું કે તમે આજે તમારા આસપાસના વિસ્તારમાં સ્વચ્છતા સંબંધિત અભિયાનનો ભાગ બનો. તમારી આ પહેલ ‘સ્વચ્છ ભારત’ની ભાવનાને વધુ મજબૂત કરશે.

‘સ્વચ્છ ભારત’ વિશ્ર્વનું સૌથી મોટું જન આંદોલન: PM

વડાપ્રધાન નરેન્દ્ર મોદીએ 10 વર્ષ પહેલા 2 ઓક્ટોબરે ગાંધી જયંતિના ખાસ અવસરે સ્વચ્છ ભારત મિશનની શરૂઆત કરી હતી અને આજે આ મિશનને 10 વર્ષ પૂર્ણ થયા છે. આ પ્રસંગે વડાપ્રધાન નરેન્દ્ર મોદી પણ ખૂબ જ ભાવુક થઈ ગયા હતા. તેમણે કહ્યું કે સ્વચ્છ ભારત મિશન લોકોને એકસાથે લાવ્યા છે.આ મિશન હેઠળ લાખો લોકો સ્વચ્છતા અભિયાનમાં જોડાવા લાગ્યા. કોઈએ શૌચાલય બનાવવા માટે પોતાની બકરીઓ વેચી અને કોઈ સૈનિકે સ્વચ્છતા મિશન માટે પોતાનું પેન્શન દાન કર્યું.

આજે દેશભરમાં સ્વચ્છતા સંબંધિત કાર્યક્રમો થઈ રહ્યા છે. લોકો તેમના ગામડાઓ, વિસ્તારો, શહેરો, ચાલીઓ, ફ્લેટ અને સોસાયટીઓમાં ભારે ઉત્સાહથી સફાઈ કરી રહ્યા છે. મંત્રીઓ અને અન્ય જનપ્રતિનિધિઓ પણ આ કાર્યક્રમનો ભાગ બની રહ્યા છે. સેવા પખવાડીયાના 15 દિવસમાં દેશભરમાં 27 લાખથી વધુ કાર્યક્રમોનું આયોજન કરવામાં આવ્યું હતું. સતત પ્રયત્નોથી જ આપણે આપણા ભારતને સ્વચ્છ બનાવી શકીશું.
2જી ઓક્ટોબરે, હું ફરજની ભાવનાથી ભરેલો છું અને એટલો જ ભાવુક છું. આજે સ્વચ્છ ભારત મિશનની યાત્રાએ 10 વર્ષનો માઈલસ્ટોન પારો કર્યો છે. સ્વચ્છ ભારત મિશનની યાત્રા કરોડો ભારતીયોની પ્રતિબદ્ધતાનું પ્રતિક છે. કરોડો ભારતીયોએ તેને પોતાના જીવનનો હિસ્સો બનાવ્યો છે.
આજે, આ મહત્વપૂર્ણ સીમાચિહ્ન પર, સ્વચ્છતા સંબંધિત 10,000 કરોડ રૂપિયાનો પ્રોજેક્ટ શરૂ કરવામાં આવ્યા છે. મિશન અમૃત અંતર્ગત વોટર અને સીવરેજ પ્લાન્ટ બનાવવામાં આવશે. નમામી ગંગે સાથે જોડાયેલ અથવા કચરામાંથી ગોબર ગેસ બનાવવા માટે પ્લાન્ટ બનાવવામાં આવશે. આજથી 1000 વર્ષ પછી પણ જો 21મી સદીના ભારતનો અભ્યાસ કરવામાં આવે તો સ્વચ્છ ભારત અભિયાન ચોક્કસપણે યાદ આવશે. સ્વચ્છ ભારત આ સદીમાં વિશ્ર્વનું સૌથી મોટું અને સૌથી સફળ જન આંદોલન છે. આ મિશને મને લોકકલ્યાણની સાચી ઉર્જા બતાવી છે. આજે મને યાદ આવે છે, જ્યારે આ અભિયાન શરૂૂ થયું અને કેવી રીતે લાખો લોકો એકસાથે સફાઈ માટે નીકળ્યા. લગ્નોથી લઈને જાહેર કાર્યક્રમો સુધી દરેક જગ્યાએ સ્વચ્છતાનો સંદેશો ફેલાવવામાં આવ્યો હતો. ક્યાંક કોઈ વૃદ્ધ માતાએ પોતાની બકરીઓ વેચીને શૌચાલય બનાવવાના અભિયાનમાં જોડાયા. કોઈએ તેનું મંગળસૂત્ર વેચ્યું. તો કોઈએ શૌચાલય બનાવવા માટે જમીન દાનમાં આપી. એક નિવૃત્ત શિક્ષકે પોતાનું પેન્શન દાન કર્યું. ક્યાંક એક સૈનિકે નિવૃત્તિ પછી મળેલી રકમ સ્વચ્છતા માટે દાનમાં આપી દીધી. જો આ દાન મંદિર કે અન્ય કોઈ કાર્યક્રમમાં આપવામાં આવ્યું હોત તો તે અખબારોની હેડલાઈન બની જાત અને અઠવાડિયા સુધી તેની ચર્ચા થઈ હોત. પરંતુ દેશને જાણવું જોઈએ કે જે લોકોના ચહેરા ક્યારેય ટીવી પર આવ્યા નથી, જેમના નામ અખબારોની હેડલાઇન્સમાં આવ્યા નથી, તેઓએ આ આંદોલનને નવી તાકાત આપી છે. સ્વચ્છતાનાઆ આભિયાનમાં થોડા સમયમાં જ કરોડો ભારતીયોએ કમાલ કરી. દેશમાં 12 કરોડથી વધુ શૌચાલય બનાવવામાં આવ્યા છે. સ્વચ્છ ભારત મિશનની દેશના સામાન્ય લોકોના જીવન પર જે અસર પડી છે તે અમૂલ્ય છે. એક અભ્યાસમાં સામે આવ્યું છે કે સ્વચ્છ ભારત મિશન દ્વારા દર વર્ષે 60 થી 70 હજાર બાળકોના જીવ બચાવવામાં આવી રહ્યા છે.