ખાસ-ખબર સંવાદદાતા
દર વર્ષે ગુજરાત ટેકનોલોજીકલ યુનિવર્સીટી દ્વારા કલ્ચરલ ઇવેન્ટ ક્ષિતિજ યોજવામાં આવે છે. આ વર્ષે ઝોનલ કક્ષાની આ ઇવેન્ટ તારીખ 15 અને 16 સપ્ટેમ્બરના રોજ યોજાઈ હતી. આ ઇવેન્ટમાં અલગ અલગ એન્જીનીયરીંગ કોલેજના યુવક યુવતીઓએ ઉત્સાહપૂર્વક ભાગ લીધો હતો. અહીં મ્યુઝીક, ડાન્સ, લીટરેચર, થીયેટર અને ફાઈન આર્ટસ એમ પાંચ કેટેગરીમાં પચ્ચીસથી પણ વધુ સ્પર્ધાઓ યોજાઈ હતી.
પોતાની કોલેજમાં વિજેતા થયેલી ટીમ અહીં પોતાનું કૌશલ દેખાડવા આવી હતી. યુવા કલાકારોએ પોતાની કલાના કામણ પાથરવામાં કોઈ કસર નહોતી રાખી. થનગનાટ ભર્યા વાતાવરણમાં આ સંપૂર્ણ સ્પર્ધા યોજાઈ હતી. કણકોટ ખાતે આવેલી અને ૠઊઈ (સરકારી ઇજનેરી કોલેજ) રાજકોટ તરીકે ઓળખાતી સરકારી એન્જીનીયરીંગ કોલેજના છાત્રોએ પણ આ ઇવેન્ટમાં ભાગ લીધો હતો. ક્લાસિકલ તેમજ વેસ્ટન સિંગિંગ, દુહા, ભજન, લોક નૃત્ય, નાટક, ક્વીઝ, કાવ્ય પઠન, કાવ્ય પૂર્તિ, ડીબેટ અને વકૃત્વ સ્પર્ધાઓના નિર્ણાયક તરીકે વિવિધ ક્ષેત્રના દીગ્ગજોએ સેવા આપી હતી. એ ઉપરાંત પેઈન્ટીંગ, પોસ્ટર મીકીંગ, કાર્ટૂનીંગ, રંગોળી, ફોટોગ્રાફી અને મહેંદી જેવી વિવિધ સ્પર્ધાઓ પણ યોજાઈ હતી. આ બધી સ્પર્ધાઓમાં ભાગ લઈને ૠઊઈ રાજકોટના વિદ્યાર્થીઓ પણ પ્રતિભા પ્રદર્શન કર્યું હતું. ઇવેન્ટના અંતે ૠઊઈના પંદર વિદ્યાર્થીઓએ સ્પર્ધામાં પ્રથમ ક્રમાંક, ચાર સ્પર્ધાઓમાં દ્વિતિય અને બીજી બે સ્પર્ધાઓમાં તૃતીય ક્રમાંક મેળવ્યો છે. આમ કુલ એકવીસ સ્પર્ધાઓમાં મેદાન મારવા બદલ યુવા વિદ્યાર્થીઓને બિરદાવવામાં આવી રહ્યા છે.
