KKR અને RCB વચ્ચે રોમાંચક ઓપનિંગ મેચ સાથે થશે
ઇન્ડિયન પ્રીમિયર લીગની 18મી સીઝન 22 માર્ચથી શરૂ થઈ રહી છે. IPL 2025ની શરૂઆત કોલકાતાના ઇડન ગાર્ડન્સ ખાતે કોલકાતા નાઈટ રાઇડર્સ (KKR) અને રોયલ ચેલેન્જર્સ બેંગ્લોર (RCB) વચ્ચે રોમાંચક ઓપનિંગ મેચ સાથે થશે.
- Advertisement -
પ્રથમ મેચ પહેલા એક ઓપનિંગ સેરેમની થશે. અહીં સિતારાઓનો મેળાવડો જોવા મળશે. ઈડન ગાર્ડનમાં ઘણા સ્ટાર્સ પરફોર્મ કરતા જોવા મળશે. ઓપનિંગ સેરેમનીમાં બોલિવૂડ સ્ટાર્સ શ્રદ્ધા કપૂર અને વરૂણ ધવન પોતાના પાવર પેક્ડ પરફોર્મન્સથી દર્શકોને મંત્રમુગ્ધ કરતા જોવા મળશે. પોતાની ફિલ્મ સ્ત્રી-2ની સફળતા પછી, શ્રદ્ધા આ સિઝનની શરૂઆત તેના ABCD-2ના સહ-અભિનેતા વરૂણ સાથે ધમાકેદાર રીતે કરશે. અરિજિત સિંહ પણ ઉદ્ઘાટન સમારોહમાં ગ્લેમર ઉમેરશે. લીગની પહેલી મેચ પહેલા જ દર્શકોનું ભરપૂર મનોરંજન કરવામાં આવશે. 18મી સીઝન 22 માર્ચે કોલકાતા નાઈટ રાઇડર્સ અને રોયલ ચેલેન્જર્સ બેંગ્લોર વચ્ચેની મેચથી શરૂ થશે. IPL 2025ની ફાઇનલ મેચ 25 મેના રોજ રમાશે. લીગની 18મી સીઝન એક ભવ્ય કાર્યક્રમ સાથે સમાપ્ત થશે.
