‘અબતક સુરભી રાસોત્સવ’માં કલાકારોના સંગાથે આનંદ ઉત્સવ સાથે રાસ ગરબાની રમઝટ કરતા ખેલૈયાઓ

‘અબતક સુરભી રાસોત્સવ’માં ગુજરાત ગૃહમંત્રી હર્ષ સંઘવીએ હાજરી આપી

વંદે માતરમ્ની પ્રસ્તુતિ વખતે રાસવિરો પર ફૂલ વર્ષા: ભાવેશ બાપુએ આશીર્વચન વરસાવ્યા

સિંગર હેમંત જોશી, વિશાલ વરૂ અને હિના હિરાણીએ પોતાના સુમુધર કંઠથી ગીતોની જમાવટ કરી

ખાસ-ખબર ન્યૂઝ રાજકોટ, તા.9
મોતી વેરાણા ચોકમાં આવ્યા માં અંબેમાં, અબતક સુરભીના આંગણે ઝગમગ થાય રે આવ્યા અંબે માં… રંગીલા મોજીલા રાજકોટ શહેરમાં નવલા નોરતાની રોનક જામી ચૂકી છે. માતાજીના છઠ્ઠા નોરતે અબતક સુરભી રાસોત્સવમાં કલાકારોને સંગ ખેલૈયાઓ એ ગરબાની રમઝટ બોલાવી હતી. સિકસ સ્ટેપ, ટીટોડો, સહિતના સ્ટેપ પર ખેલૈયાઓ જમાવટ કરી હતી. સાથે સાથે છેલ્લે વંદે માતરમ વખતે રાસવિરો પર ફૂલ વર્ષા કરવામાં આવી હતી. અબતક સુરભી રાસોત્સવના આંગણે ઉદાસી આશ્રમના મહંત ભાવેશ બાપુ, મહર્ષિ બાપુ સહ પરિવાર ઉપસ્થિત રહ્યા હતા અને ભાવેશ બાપુએ અબતક સુરભી રાસોત્સવ પર આશીર્વાદ વરસાવ્યા હતા.

આ રારોત્સવમાં ગુજરાતના ગૃહમંત્રી હર્ષ સંઘવીએ પણ હાજરી આપી હતી. સાથે રેન્જ આઇજી અશોક કુમાર યાદવ ઉપસ્થિત રહ્યા હતા. અબતક મીડિયાના મેનેજીંગ તંત્રી સતીષકુમાર મહેતાના બનેવી નૈનેશભાઈ સંઘવી તથા ભાઈ યોગેશભાઈ મહેતા, સી જી એસ ટી કમિશનર શિવા કુમાર વી.પરિવાર સાથે, આસિસ્ટન્ટ મ્યુનિસિપલ કમિશનર એન. કે. રામાનુજ સહ પરિવાર, પ્ર. નગર પોલીસ સ્ટેશન પી આઈ પી. આર. ડોબરિયા, પ્ર. નગર પોલીસ સ્ટેશનના સર્વેલન્સ પી.એસ આઈ આઈ.એમ. બેલીમ , જૈન અગ્રણી મિલનભાઈ મીઠ્ઠાણી, જિયા હોલીડે ના ઓનર વિશાલ લાઠીયા સહ પરિવાર, ભગતભાઈ સહિતના મોંઘેરા મહેમાનો ઉપસ્થિત રહ્યા હતા. રંગીલા રાજકોટના રેસકોર્ષ ગ્રાઉન્ડ ખાતે સૌરાષ્ટ્રના નંબર-1 અને જાણીતા એવા અબતક-સુરભી રાસોત્સવ માં નવરાત્રિના છઠ્ઠા નોરતે ખેલૈયાઓનો ઉત્સાહ ચરમસીમાએ પહોંચ્યો હતો.ર્માં જગદંબાની આરતી સાથે છઠ્ઠા નોરતાનો પ્રારંભ થયો હતો.

આરતી બાદ અર્વાચિન રાસોત્સવ શરૂ થતાની સાથે જ ખૈલેયાઓએ ગરબાની રમઝટ બોલાવી હતી.અબતક સુરભી રાસોત્સવનો જાણે નવો જ સુર્યોદય થયો હોય તેવો અભૂતપૂર્વ ઉત્સાહ ખેલૈયાઓમાં જોવા મળ્યો હતો. શરૂઆત થતાંની ગણતરીની મીનીટોમાં અબતક સુરભી નું ગ્રાઉન્ડ રાસ રસિકોથી છલકાય ગયું હતું. દાંડિયા કિંગ સિંગર હેમંત જોશી, વિશાલ વરૂ અને હિના હિરાણીએ પોતાના સુમુધર કંઠથી ગીતોની જમાવટ કરી હતી.લે.. લે .. લે.. મજા લે.. ના મ્યુઝિક પર રહીશ હાજી એ અદભુત રીતે ડ્રમ વગાડી ખેલૈયા ઓને મંત્ર મુગ્ધ ક્યા હતા. જીલ એન્ટરટેઇન્મેન્ટ રાજકોટની બેસ્ટ ટીમનાં સથવારે અબતક – સુરભિ રાસોત્સવનું આ વર્ષનાં ધમાકેદાર આયોજનથી ખેલૈયાઓ આનંદિત છે.સતત ચાર કલાક સુધી અવિરત રાસ ગરબા રમી પોતાની કલાના કામણ પાથરનારા ખેલૈયાઓમાંથી શ્રેષ્ઠ રાસવીરોની પસંદગી કરવી જજ માટે થોડી કઠીન બની હતી.