જીરું અને હળદરમાં 20થી 24% સુધીનો વધારો થયો
ખાસ-ખબર સંવાદદાતા
દરેક ઘરની રસોઈમાં હાજર મસાલિયામાં રહેલા મસાલા ભાવ એટલા વધી ગયા છે કે સામાન્ય માણસનો પરસેવો છૂટી ગયો છે. જીરું અને હળદરમાં 24 ટકાના વધારા સાથે શાકમાં બનાવતી વખતે તેનો ઉપયોગમાં હાથ બંધાયેલા જોવા મળે છે. એક્સપોર્ટ અને મજબૂત ઘરેલુ માંગના લીધે જીરું 56000 રૂપિયા પ્રતિ કવીન્ટલ પર પહોંચી ગયો છે. જીરાનું ઉત્પાદન કરતા બે મુખ્ય રાજય ગુજરાત અને રાજસ્થાનમાં માર્ચ મહિનામાં થયેલા કમોસમી વરસાદ બાદ ઉત્પાદનમાં થયેલા ઘટાડાથી જીરાના ભાવમાં આ વધારો સતત ચાલુ છે.
- Advertisement -
રાજસ્થાન મંડીના કોમોડિટી એક્સપર્ટ પુખરાજ ચોપડા કહે છે કમોસમી વરસાદ અને બીપરજોય વાવાઝોડાએ ઉભા પાકને નુકશાન પહોચાડયુ છે. ત્યાં જીરુંની સારી વાવણીને કારણે સારો પાક થવાનો અંદાજ હતો પરંતુ ખુબજ ઓછા પ્રમાણમાં જીરાનો પાક હાથ માં આવશે તેથી તેનો ફાયદો મસાલાના સ્ટોક કરતા લોકો ઉઠાવે છે અને તેના ભાવ આસમાને પહોંચવા લાગે છે. કેડિયા કોમોડિટીના સીઈઓ અજય કેડિયાનું કહેવું છે કે છેલ્લા એક મહિનામાં મસાલાના ભાવોમાં ખુબજ વધારો જોવા મળ્યો છે. સપ્લાયમાં સમસ્યા, કમોસમી વરસાદ, બીપરજોય વાવાઝોડું અને જીરામાં 23.55 ટકા, હળદરમાં 23.62 ટકા, કોથમીર 16 ટકા, લાલ મરચું 14 ટકા, સુંઠમાં 8 ટકા સુધી ભાવોનો વધારો થઇ ચુક્યો છે. અને આગળ પણ વધારો થવાની આશંકા છે. બીજી બાજુ આદુ અને સુંઠના ભાવ પણ આસમાને પહોંચ્યા છે. જેના કારણે ચા અને શાકનો સ્વાદ ફિક્કો પડ્યો છે. માટુંગા નિવાસી રંજના કુલકર્ણી કહે છે, સરકાર કહે છે કે રિટેલ મોંઘવારી દર ઘટીને 4.25 ટકા રહી ગયો છે.