દિલ્હીમાં એક યુવકે તેના માતા-પિતા, એક બહેન અને દાદીની ચાકુ મારીને હત્યા કરી, આરોપી યુવકને નશાની લત હોવાનું સામે આવ્યું
દેશની રાજધાની દિલ્હીમાં ભયાનક હત્યાકાંડની ઘટના સામે આવ્યા હડકંપ મચી ગયો છે. પોલીસને દિલ્હીના દક્ષિણ પશ્ચિમ જિલ્લાના પાલમ વિસ્તારમાં એક ઘરમાંથી ચાર લોકોના મૃતદેહ મળ્યા છે. પ્રાથમિક માહિતી અનુસાર એક છોકરાએ તેના માતા-પિતા, એક બહેન અને દાદીની હત્યા કરી છે. પોલીસને મંગળવારે રાત્રે 10.31 કલાકે માહિતી મળી હતી. મળતી માહિતી મુજબ ચારેયની ચાકુ મારીને હત્યા કરવામાં આવી હતી.
- Advertisement -
દિલ્હીના દક્ષિણ પશ્ચિમ જિલ્લાના પાલમ વિસ્તારમાં એક યુવકે પોતાના જ પરિવારના સભ્યોની હત્યા કરી હોવાની ઘટના સામે આવી છે. સ્થાનિક ચર્ચા મુજબ આરોપી છોકરો નશાની લતથી પીડિત છે અને તાજેતરમાં જ નશા મુક્તિ કેન્દ્રમાંથી બહાર આવ્યો હતો. પોલીસે આરોપી છોકરાની ઓળખ પકરી લીધી છે. આરોપીનું નામ કેશવ છે, જેની ઉંમર 25 વર્ષ છે અને તેની પણ ધરપકડ કરવામાં આવી છે. જણાવી દઈએ કે, પોલીસે હજુ સુધી આ મામલે વધુ કોઈ માહિતી આપી નથી.
મૃત્યુ પામેલા લોકોના નામ
- આરોપીના પિતા 42 વર્ષીય દિનેશ કુમાર
– દિવાનો દેવી, આરોપીની દાદી
– આરોપીની માતા દર્શન સૈની (40)
– ઉર્વશી, આરોપીની બહેન (22)
દિલ્હીમાં સતત વધી રહ્યો છે ગુનાખોરીનો ગ્રાફ
- Advertisement -
દિલ્હીનો શ્રદ્ધા મર્ડર કેસ પણ આ દિવસોમાં ચર્ચામાં છે. શ્રદ્ધાની તેના લિવ-ઇન પાર્ટનર દ્વારા નિર્દયતાથી હત્યા કરવામાં આવી હતી અને તેના શરીરના 35 ટુકડા કરવામાં આવ્યા હતા. શ્રદ્ધાના હત્યારા આફતાબે પણ પોતાનો ગુનો કબૂલી લીધો છે અને દિલ્હી પોલીસ આ મામલે ગંભીરતાથી તપાસ કરી રહી છે. પોલીસ શ્રદ્ધાના મૃતદેહના ટુકડા શોધવાનો પ્રયાસ કરી રહી છે. મંગળવારે કોર્ટે આફતાબના પોલીસ રિમાન્ડમાં 4 દિવસનો વધારો કર્યો હતો.
