ડ્રગ્સ માફિયાઓને ડામવા છ એન્ટી નાર્કોટિક્સ ટાસ્ક ફોર્સ યુનિટ બનશે

રાજ્યમાં ડ્રગ્સ નેટવર્કને તોડવા માટે મહત્ત્વનો નિર્ણય

નવા યુનિટ્સ ગાંધીનગર, અમદાવાદ, સુરત, વડોદરા, રાજકોટ અને બોર્ડર ઝોનમાં કાર્યરત થશે

પહેલાં 34 અધિકારી કર્મચારી હતાં, ત્યારે હવે 211નું મહેકમ થશે
ખાસ-ખબર ન્યૂઝ રાજકોટ

ગુજરાત સરકારે રાજ્યને ડ્રગ્સ મુક્ત બનાવવા માટે વધુ એક મોટું પગલું ભર્યું છે. આ માટે રાજ્યમાં ઝોન મુજબ કુલ 6 નવી એન્ટી નાર્કોટિક્સ ટાસ્ક ફોર્સ (અગઝઋ) યુનિટ્સ શરૂ કરવામાં આવશે. જે ડ્રગ્સના વેચાણ, હેરફેર અને ઉત્પાદન પર અંકુશ લગાવશે. આ યુનિટ્સની સ્થાપનાથી ગુજરાતમાં ડ્રગ્સ સામેની લડાઈ વધુ મજબૂત બનશે. આ છ નવા અગઝઋ યુનિટ્સ ગાંધીનગર, અમદાવાદ, સુરત, વડોદરા, રાજકોટ અને બોર્ડર ઝોનમાં કાર્યરત થશે. આ ઝોનલ માળખું રાજ્યના દરેક ખૂણામાં ડ્રગ્સ નેટવર્કને તોડવામાં મદદ કરશે. વર્તમાનમાં કાર્યરત નાર્કોટિક્સ સેલને વધુ શક્તિશાળી બનાવવા માટે આ ANTF યુનિટ્સ ઊભા કરી તેમાં 1 એસ.પી., 6 ડીવાયએસપી અને 13 પીઆઇ સહિત કુલ 177નું વધારાનું મહેકમ મંજૂર કરવામાં આવ્યું છે. અગાઉ નાર્કોટિક્સ સેલમાં 34 અધિકારી કર્મચારી હતાં, જે હવે ANTF ઓપરેશનલ થતા 211 અધિકારી કર્મચારીનું મહેકમ થશે. આ પોલીસ અધિકારીઓ અને કર્મચારીઓ માત્ર અને માત્ર ગઉઙજ સંબંધિત ગુનાઓ પર ધ્યાન કેન્દ્રિત કરશે. આ યુનિટ્સનું સમગ્ર સુપરવિઝન સીઆઈડી ક્રાઈમ દ્વારા કરવામાં આવશે.

ANTF યુનિટ્સની મુખ્ય વિશેષતા

તપાસમાં સુપરવિઝન : સ્થાનિક પોલીસ સ્ટેશનમાં નોંધાયેલા ગઉઙજ કેસોની તપાસમાં ’ટોપ ટુ બોટમ’ અને ’બોટમ ટુ ટોપ’ અભિગમ અપનાવવામાં આવશે, જેમાં ANTF યુનિટનું સુપરવિઝન અસરકારક સાબિત થશે.
ડેટા એનાલિસિસ અને ઇન્ટેલિજન્સ યુનિટ : આ નવા યુનિટ્સમાં ડેટા એનાલિસિસ અને ઇન્ટેલિજન્સ યુનિટ પણ કાર્યરત રહેશે. આ યુનિટ્સ વારંવાર ગઉઙજના ગુના આચરતા તત્વો, સિન્ડિકેટ માળખું અને ઇન્ટર-સ્ટેટ નાર્કો ઓફેન્ડર્સની માહિતી એકત્રિત-સંકલિત કરીને ડેટા આધારે એનાલિસિસ કરી આ પ્રકારના ગુનેગારો સામે સઘન કાર્યવાહી કરવા ANTF યુનિટ મહત્વની ભૂમિકા ભજવશે.
ગઉઙજ કાર્યવાહીને વેગ મળશે : જે રીતે અસામાજિક તત્વો સામે પાસા (ઙઅજઅ) હેઠળ કાર્યવાહી થાય છે, તે જ રીતે ગઉઙજના ગુનેગારો સામે પીટ એનડીપીએસ (PIT NDPS) હેઠળ કાર્યવાહી કરવામાં આવે છે, ડેટા એનાલિસિસ અને ઇન્ટેલિજન્સ યુનિટની મદદથી હવે અગઝઋ દ્વારા ડ્રગ્સ માફિયાઓ સામે કડક પગલાં ભરવામાં વેગ મળશે.

આ યુનિટ્સ દ્વારા સમગ્ર રાજ્યમાં નાર્કોટિક્સ નેટવર્ક સાથે જોડાયેલા ડ્રગ્સ માફિયાઓ, સપ્લાયર્સ અને પેડલર્સ સામે ‘cutting edge level’ની કાર્યવાહી કરવામાં આવશે
– ગૃહ રાજ્ય મંત્રી હર્ષ સંઘવી

આ ઝોન વાઇઝ પોલીસ સ્ટેશનો દ્વારા ડ્રગ્સના ગુનાની તપાસમાં એકસૂત્રતા જળવાશે. આરોપીઓને કડક સજા અપાવવાની પ્રક્રિયા વધુ સરળ બનશે
-રાજ્યના પોલીસ વડા વિકાસ સહાય