સિદ્ધૂ મૂસેવાલા કેસમાં પંજાબ સરકારે હવે મોટો નિર્ણય લીધો છે. સીએમ ભગવંત માનએ કહ્યું કે, પંજાબ સરકાર પંજાબ અને હરિયાણા હાઇકોર્ટના મુખ્ય ન્યાયધીશને વિનંતી કરી છે કે, આ કેસની તપાસ હાઇકોર્ટના મુખ્ય ન્યાયધીશ પાસે કરવાવામાં આવે. ઉલ્લેખનીય છે કે, આ વાતની માંગણી સિદ્ધુના પિતાએ સીએમને કરી હતી.
Punjab CM Bhagwant Mann orders an inquiry into the decision to reduce security of Sidhu Moose Wala. He has also sought clarification on DGP's yesterday's statement. State govt will fully cooperate in the investigation, no culprit will be spared: Chief Minister's Office
- Advertisement -
— ANI (@ANI) May 30, 2022
કોણ હતા મૂસેવાલા
- Advertisement -
17 જૂન, 1993ના રોજ જન્મેલા શુભદીપ સિંહ સિદ્ધુ ઉર્ફે સિદ્ધુ મૂસેવાલા મનસા જિલ્લાના મુસા વાલા ગામના રહેવાસી હતા. મૂસેવાલાની ફેન ફોલોઇંગ લાખોમાં છે અને તે તેના ગેંગસ્ટર રેપ માટે લોકપ્રિય હતો. સિદ્ધુ મૂસેવાલાની માતા ગામની સરપંચ હતી. તેમણે ઇલેક્ટ્રિકલ એન્જિનિયરિંગની ડિગ્રી મેળવી હતી. તેમણે કોલેજના દિવસોમાં સંગીત શીખ્યું અને બાદમાં કેનેડા ચાલ્યા ગયા. મૂસેવાલાને સૌથી વિવાદાસ્પદ પંજાબી ગાયકોમાંના એક તરીકે પણ ઓળખવામાં આવે છે, જેમણે ખુલ્લેઆમ બંદૂક કલ્ચરને પ્રોત્સાહન આપ્યું હતું, ઉશ્કેરણીજનક ગીતોમાં ગુંડાઓનો મહિમા વધાર્યો હતો.
સપ્ટેમ્બર 2019માં રિલીઝ થયેલું તેમનું ગીત ‘જટ્ટી જિયોને મોર્ડ દી ગન વર્ગી’ એ 18મી સદીના શીખ યોદ્ધા માઇ ભાગોના સંદર્ભમાં વિવાદ ઉભો કર્યો હતો. તેમના પર આ શીખ યોદ્ધાની છબી ખરાબ કરવાનો આરોપ હતો. જો કે બાદમાં મુસેવાલાએ માફી માંગી હતી.
સિદ્ધુ મૂસેવાલાની રવિવારે ગોળી મારીને હત્યા થઈ
પંજાબના ગાયક સિદ્ધુ મૂસેવાલાની રવિવારે ગોળી મારીને હત્યા કરવામાં આવી હતી. માણસાના જવાહર ગામ પાસે મૂસેવાલા પર ફાયરિંગ થયું હતું. આ ઘટના બાદ મૂસેવાલાને ગંભીર હાલતમાં માણસાની હોસ્પિટલમાં દાખલ કરવામાં આવ્યા હતા જ્યાં સારવાર દરમિયાન તેમનું મોત નિપજ્યું હતું. આ ઘટનામાં મૂસેવાલા સાથે રહેલા અન્ય બે લોકો ઘાયલ હોવાનું કહેવાય છે.
જણાવવામાં આવી રહ્યું છે કે મૂસેવાલાને ગુંડાઓ તરફથી ધમકીઓ મળી હતી. આમ છતાં પંજાબની આમ આદમી પાર્ટીની સરકારે કાયદો અને વ્યવસ્થાનો હવાલો આપીને એક દિવસ પહેલા મુસેવાલા સહિત 424 વીઆઇપીની સુરક્ષા પાછી ખેંચી લીધી હતી. મૂસેવાલાએ પંજાબ વિધાનસભાની ચૂંટણીમાં કોંગ્રેસની ટિકિટ પર આમ આદમી પાર્ટીના વિજય સિંગલા સામે પણ ચૂંટણી લડી હતી. વિજય સિંગલાએ માણસા બેઠક પરથી મુસેવાલાને 63,323 મતોથી હરાવ્યા હતા.
