કર્ણાટકના નવા મુખ્યમંત્રી રૂપે સિદ્ધારમૈયા અને ડીકે શિવકુમારે ડેપ્યુટી સીએમ તરીકે શપથ ગ્રહણ કર્યા

– મંચ પર દેખાયા નીતિશ કુમાર-સ્ટાલિન સહિત આ વિપક્ષી નેતાઓ

કર્ણાટકમાં સિદ્ધારમૈયાએ મુખ્યમંત્રી તરીકે શપથ લીધા છે. આ સાથે ડીકે શિવકુમારે ડેપ્યુટી સીએમ તરીકે શપથ લીધા હતા. કર્ણાટકમાં વિધાનસભા ચૂંટણીના પરિણામોની જાહેરાતના ઘણા દિવસો બાદ, કર્ણાટકના મુખ્યમંત્રીને પસંદ કરવાની કવાયતનો અંત આવ્યો છે. કોંગ્રેસ હવે શનિવારે મુખ્યમંત્રી સિદ્ધારમૈયા અને ડેપ્યુટી સીએમ ડીકે શિવકુમાર સાથે 8 લોકોને મંત્રી તરીકે શપથ ગ્રહણ કરી રહી છે. કોંગ્રેસે શપથ ગ્રહણ કરનારા મંત્રીઓની યાદી પણ જાહેર કરી છે.

Senior Congress leader Siddaramaiah takes oath as the Chief Minister of Karnataka in Bengaluru. pic.twitter.com/9VUBNNsuv2

— ANI (@ANI) May 20, 2023

કર્ણાટકમાં ડૉ જી પરમેશ્વરા, કેએચ મુનિયપ્પા, કેજે જ્યોર્જ અને એમબી પાટીલે નવી ચૂંટાયેલી કર્ણાટક સરકારમાં કેબિનેટ મંત્રી તરીકે શપથ લીધા છે. કોંગ્રેસના ધારાસભ્યો ડૉ જી પરમેશ્વરા, કેએચ મુનિયપ્પા, કેજે જ્યોર્જ, એમબી પાટીલ, સતીશ જારકીહોલી, પ્રિયંક ખડગે, રામલિંગા રેડ્ડી અને જમીર અહેમદ ખાન આજે મંત્રી તરીકે શપથ લેવા જઈ રહ્યા છે. આ પહેલા સિદ્ધારમૈયા અને શિવકુમાર શુક્રવારે કોંગ્રેસના વરિષ્ઠ નેતા સોનિયા ગાંધીને મળ્યા હતા અને મંત્રીમંડળમાં સામેલ કરવા માટેના તમામ સંભવિત નામોની ચર્ચા કરી હતી. તેમણે શપથ ગ્રહણ સમારોહ માટે કોંગ્રેસ હાઈકમાન્ડને ઔપચારિક આમંત્રણ આપ્યું હતું.

DK Shivakumar takes oath as the Deputy Chief Minister of Karnataka in Bengaluru. pic.twitter.com/OSGc7ck4tV

— ANI (@ANI) May 20, 2023

કોંગ્રેસ અધ્યક્ષ મલ્લિકાર્જુન ખડગેએ 8 નામોને મંજૂરી આપી છે, જેઓ આજે મંત્રી તરીકે શપથ લઈ શકે છે. મંત્રીઓની યાદી સમુદાયો, પ્રદેશો, જૂથોના પ્રતિનિધિઓ અને જૂના અને નવી પેઢીના ધારાસભ્યોને ધ્યાનમાં રાખીને તૈયાર કરવામાં આવી છે. સિદ્ધારમૈયા કુરુબા સમુદાયમાંથી આવે છે અને ડીકે શિવકુમાર વોક્કાલિંગા છે. આ સિવાય લિંગાયત, ખ્રિસ્તી, આદિવાસી, મુસ્લિમ, રેડ્ડી, દલિત – તમામને પ્રથમ યાદીમાં પ્રતિનિધિત્વ આપવામાં આવ્યું છે.

આઠ નામોમાં જી પરમેશ્વર (એસસી), કેએચ મુનિયપ્પા (એસસી), પ્રિયંક ખડગે (એસસી), કેજે જ્યોર્જ (લઘુમતી-ખ્રિસ્તી), એમબી પાટીલ (લિંગાયત), સતીશ જારકીહોલી (એસટી-વાલ્મિકી), રામલિંગા રેડ્ડી (રેડ્ડી)નો સમાવેશ થાય છે. અને મુસ્લિમ સમુદાયના બીઝેડ ઝમીર અહેમદ ખાન મંત્રી તરીકે શપથ લેશે. શપથ ગ્રહણ સમારોહમાં કોંગ્રેસ અધ્યક્ષ મલ્લિકાર્જુન ખડગે પોતે હાજર રહેશે. પ્રિયંક ખડગે તેમના પુત્ર છે, આજે કર્ણાટક સરકારમાં મંત્રી બનશે.

Bengaluru | Dr G Parameshwara, KH Muniyappa, KJ George and MB Patil take oath as cabinet ministers in the newly-elected Karnataka Government. pic.twitter.com/vGHhl0louL

— ANI (@ANI) May 20, 2023

કોંગ્રેસ અધ્યક્ષ મલ્લિકાર્જુન ખડગેએ સિદ્ધારમૈયાના શપથ ગ્રહણ સમારોહમાં વિપક્ષના અનેક નેતાઓને આમંત્રણ આપ્યું હતું. કોંગ્રેસ અધ્યક્ષ મલ્લિકાર્જુન ખડગેએ જણાવ્યું કે, આજે મુખ્યમંત્રી, નાયબ મુખ્યમંત્રી અને આઠ ધારાસભ્યો મંત્રી તરીકે શપથ લીધા છે. શપથ ગ્રહણ સમારોહમાં દરેક લોકો હાજરી આપી રહ્યા છે. શપથ ગ્રહણ સમારોહ માટે રવાના થતા પહેલા કોંગ્રેસ અધ્યક્ષે કહ્યું કે, કર્ણાટકમાં કોંગ્રેસની મજબૂત સરકાર સત્તામાં આવી છે.આનાથી કર્ણાટકને ફાયદો થશે અને દેશમાં સારું વાતાવરણ સર્જાશે.