મેંગોપીપલ પરિવાર દ્વારા પ્રોજેક્ટ મુસ્કાન અંતર્ગત
ખાસ-ખબર સંવાદદાતા
તાજેતરમાં શહેરની નામાંકીત સરકારી શાળા શ્રી વિનોબા ભાવે પે સેન્ટર શાળા નં. 93ની ધોરણ 6 થી 8ની વિદ્યાર્થીનીઓને મેંગોપીપલ પરીવાર દ્વારા પ્રોજેક્ટ મુસ્કાન અંતર્ગત નિ:શુલ્ક સેનેટરી પેડ વિતરણ કરવામાં આવેલ. અતિથી વિશેષ તરીકે રાજકોટ શહેર ભાજપ ઉપપ્રમુખ તથા પ્રયાસ પેરેન્ટસ એસોસિયેશનાં શ્રીમતી પૂજાબેન પટેલ હાજર રહ્યા હતાં. રાષ્ટ્રપતિ એવોર્ડ વિજેતા અને શાળાનાં ઉત્સાહી આચાર્ય શ્રી વનિતાબેન રાઠોડે સુંદર સ્વાગત કર્યું અને અતિથી વિશેષ પૂજાબેન પટેલનું શાલ ઓઢાડી સન્માન કરવામાં આવ્યું. ઉપરાંત મેંગોપીપલ પરીવારના રુપલબેન રાઠોડનું પુસ્તક અર્પણ કરી સુંદર આવકાર આપ્યું.
- Advertisement -
રાજકોટ શહેર ભાજપ ઉપપ્રમુખ શ્રીમતી પૂજાબેન પટેલ તથા પ્રોજેક્ટ મુસ્કાનનાં સ્થાપક રુપલબેન રાઠોડ દ્વારા દીકરીઓને સેનેટરી પેડની સાચી સમજણ સુંદર અને સરળ ભાષામાં આપવામાં આવ્યું. દરેક દીકરીઓને તેમનાં વરદ હસ્તે નિ:શુલ્ક સેનેટરી પેડનું વિતરણ કરવામાં આવ્યાં .અંતે શાળાનાં આચાર્ય શ્રી વનિતાબેન રાઠોડે આભાર વ્યક્ત કર્યો. અત્રે ઉલ્લેખનીય છે કે પ્રોજેક્ટ મુસ્કાન અંતર્ગત છેલ્લા 6 વર્ષથી રાજકોટ, જામનગર, વાંકાનેર તથા આજુબાજુના નાના ગામડાઓની જરુરીયાતમંદ દીકરીઓને સાચી સમજણ સાથે નિ:શુલ્ક સેનેટરી પેડ વિતરણ પણ કરવામાં આવે છે. જરુરીયાતમંદ દીકરીઓને અન્ડરગાર્મેન્ટ પણ નિ:શુલ્ક અપાય છે. આવા અનોખા સતકર્મમાં સહભાગી થવા માટે મેંગોપીપલ પરીવારના પ્રમુખ શ્રી મનીષભાઈ રાઠોડ (મો. 9276007786) નંબર પર સંપર્ક કરવા અનુરોધ છે.
