શ્રદ્ધા કપૂરે એક અનોખા વાર્તા કહેવાના અભિગમ સાથે એનિમેટેડ ફિલ્મ ‘છોટી સ્ત્રી’ની જાહેરાત કરી, જે મેડોક હોરર કોમેડી બ્રહ્માંડનો એક ભાગ છે.
શ્રદ્ધા કપૂરની ‘સ્ત્રી થ્રી’ ફિલ્મ બનવાની છે. પરંતુ, એ પહેલાં આ ફિલ્મ માટે માહોલ જમાવવાના એક તુક્કા તરીકે ‘સ્ત્રી’ ફિલ્મનું એક એનિમેટેડ વર્ઝન થિયેટર્સમાં રજૂ કરાશે. શ્રદ્ધા કપૂર તાજેતરમાં એક ઈવેન્ટમાં તેના ‘સ્ત્રી’ના ગેટ અપમાં હાજર રહી હતી અને તેણે આ જાહેરાત કરી હતી.
આ એનિમેટેડ વર્ઝનના છેલ્લા સીનમાં જ ‘સ્ત્રી થ્રી’નો પહેલો સીન હશે. મતલબ કે એનિમેટેડ ફિલ્મને આ રીતે ફીચર ફિલ્મ સાથે સાંકળી લેવામાં આવશે. શ્રદ્ધાની ‘સ્ત્રી’ અને ‘સ્ત્રી ટુ’ બંને હિટ થઈ ચૂકી છે. આ ફિલ્મોથી શ્રદ્ધાની કેરિયર ઊંચકાઈ હતી. સાથે સાથે તેના દ્વારા બોલીવૂડમાં હોરર કોમેડી ફિલ્મોનો ટ્રેન્ડ શરુ થયો હતો. હાલ બોલીવૂડના મોટાભાગના પ્રોડયૂસર તથા કલાકારો હોરર કોમેડીની ફોર્મ્યૂલાને વટાવી લેવાની હોડમાં છે.
- Advertisement -
