બોલીવુડનાં પઠાણ કહેવાતા શાહરૂખ ખાને અત્યારે વધુ એક ઉપલબ્ધિ મેળવી છે. તેમને દુનિયાનાં સૌથી પ્રભાવશાળી વ્યક્તિઓની લિસ્ટમાં ટોપ સ્થાન મળ્યું છે.
કિંગ ખાનનાં નામથી પ્રખ્યાત બોલીવૂડનાં સુપરસ્ટાર શાહરૂખ ખાને વધુ એક ઉપલબ્ધિ પોતાના નામ કરી છે. તેમના ફેન્સ ન માત્ર ભારતમાં પણ દુનિયાનાં ખૂણે-ખૂણે જોવા મળે છે. પોતાના રોમેન્ટિક અંદાજથી લઈને એક્શન મૂવી માટે લોકો તેમને ખૂબ પસંદ કરે છે. ત્યારે કિંગ ખાને દુનિયાનાં મોટા-મોટા કલાકારોને પાછળ મૂકીને નવો રેકોર્ડ પોતાના નામ કર્યો છે. શાહરૂખ ખાને TIME મેગેઝીનનાં 2023 TIME100 પોલમાં પ્રથમ સ્થાન મેળવ્યું છે.
- Advertisement -
12 લાખ લોકોએ કર્યું વોટિંગ
કિંગ ખાને અનેક ઈન્ટરનેશલ સેલિબ્રિટિઝને પાછળ મૂક્યું છે અને ટોપ સ્થાન પ્રાપ્ત કર્યું છે. ટાઈમ મેગેઝીન દ્વારા આયોજિત આ પોલમાં મેગેઝીનએ પોતાના વાંચકોને એ હસ્તીઓ માટે વોટ કરવાનું કહ્યું હતું જે તેમના અનુસાર TIMEની સૌથી પ્રભાવશાળી વ્યક્તિઓની વાર્ષિક લિસ્ટમાં પોતાનું સ્થાન બનાવવાને લાયક છે. આ પોલમાં આશરે 12 લાખ લોકોએ વોટ કર્યું છે અને શાહરૂખ ખાનને સૌથી વધારે વોટની સાથે ટોપ સ્થાન મળ્યું છે.
Megastar Shah Rukh Khan wins the 2023 #TIME100 Reader Poll.
Congratulations King Khan @iamsrk#SRKonTIME100 #ShahRukhKhan pic.twitter.com/TwhLipOhqW
— Shah Rukh Khan Fc – Pune ( SRK Fc Pune ) (@SRKFC_PUNE) April 6, 2023
- Advertisement -
4% વોટ શાહરૂખ ખાનને નામ
time.comમાં જાહેર થયેલા રિપોર્ટ અનુસાર આ પ્રક્રિયામાં કુલ 12 લાખથી વધારે લોકોએ વોટ આપ્યો છે. વોટિંગ બાદ આવેલા રિઝલ્ટમાં 4% વોટ શાહરુખ ખાનનાં નામે આવ્યાં છે જેના કારણે તેમણે ટોપ સ્થાન મેળવ્યું છે. લિસ્ટમાં તેમના સિવાય અનેક ઈન્ટરનેશનલ સેલિબ્રિટીઝએ પણ સ્થાન મેળવ્યું છે. કિંગ ખાન બાદ આ લિસ્ટમાં ઈરાનની એક મહિલા પ્રદર્શનકારી છે જેમણે ઈરાનની ‘મોરાલિટી પોલીસ’નાં હાથે મારી દેવાઈ હતી.22 વર્ષની મહસા અમીનીનાં ગયાં બાદ રોડ પર પ્રદર્શન કરવામાં આવ્યાં. આ પહેલા તેમને જ TIME 2022 હીરોઝ ઓફ ધ યરની ઉપલબ્ધિ પણ મળી હતી.
ફુટબોલર મેસી 5માં સ્થાને
2% વોટિંગની સાથે તૃતિય ક્રમ પર સ્વાસ્થ્ય કર્મી છે. ચોથા સ્થાન પર ડ્યૂક ઓફ સસેક્સ પ્રિંસ હેરી અને તેની પત્ની ચેસ ઓફ સસેક્સ મેગન માર્કલ અને પાંચવા સ્થાન પર પ્રખ્યાત ફુટબોલર મેસી છે.
