દીપિકા, કાજોલ, રાની મુખર્જી, સૈફ અલી ખાન, રણવીર સિંહ સહિત 250 મિત્રોને આમંત્રણ : જન્મ દિવસે દીકરી સુહાના સાથેની ફિલ્મ ‘કિંગ’ની શાહરૂખ જાહેરાત કરી શકે છે
બોલીવુડના બાદશાહ શાહરુખ ખાનની બીજી નવેમ્બરે 59મી વર્ષગાંઠ છે. એ નિમિતે અભિનેતાની પત્ની ગૌરી ખાને તેની ટીમ સાથે મળીને એક ગ્રેન્ડ પાર્ટીનું આયોજન કર્યું હોવાનું જાણવા મળ્યું હતું.
- Advertisement -
શાહરુખ ખાન આ વખતે તેના બર્થડે પરિવાર અને ફિલ્મ ઈન્ડસ્ટ્રીના નજીકના ફ્રેન્ડસ સાથે મનાવવાનો હોવાથી 250 લોકોને ઈન્વિટેશન મોકલવામાં આવ્યાં છે. શાહરુખની આ બર્થ ડે પાર્ટીમાં દીપિકા પાદુકોણ, રાની મુખરજી, કાજોલ, કરીના કપુર, સૈફઅલી ખાન, રણવીરસિંહ, કરિશ્મા કપુર, ઝોયા અખ્તર, ફરાહ ખાન, શનાયા કપુર, મહીપ કપુર, શાલિની પાસી, નીલમ કોઠારી, કરણ જોહર અને આલિયા ભટ્ટ જેવી સેલીબ્રીટી સામેલ થઈ શકે છે.
કહેવાય છે કે, શાહરુખ ખાન પત્ની ગૌરી, ગૌરીની મમ્મી અને બાળકો સાથે એક પ્રાઈવેટ ડિનર પણ કરશે. આ પાર્ટીમાં શાહરુખ ખાન તેની પુત્રી સુહાના ખાન સાથે પોતાની આગામી ફિલ્મ ‘કિંગ’ની અનાઉન્સમેન્ટ કરી શકે છે. અત્યારે શાહરુખ ખાન તેના સંતાન આર્યન ખાન અને સુહાના સાથે દુબઈમાં છે. આર્યને પિતા શાહરુખને દુબઈમાં એક બર્થ ડે પાર્ટી આપી હતી.
