ટેસ્ટ મેચ જોવા ગયા હતા અને જુગારનો પાટલો માંડી દીધો
પડધરી પોલીસે 14,200ની રોકડ કબજે કરી ગુનો નોંધ્યો
ખાસ-ખબર સંવાદદાતા
રાજકોટ જિલ્લામાં દારૂ જુગારના કેસો કરવા જિલ્લા પોલીસવડા જયપાલસિહ રાઠોડની સૂચના અન્વયે પડધરી પોલીસ મથકના પીએસઆઈ જી જે ઝાલા અને ટીમ ખંઢેરી ક્રિકેટ સ્ટેડિયમમાં બંદોબસ્તમાં હતી ત્યારે પાર્કિંગમાં અમુક શખ્સો પાટલો માંડી જુગાર રમતા હોય દરોડો પાડી 7 જુગારીઓને દબોચી લઈ 14,200ની રોકડ કબજે કરી ધોરણસરની કાર્યવાહી હાથ ધરી છે.
પડધરી પોલીસે જુગાર રમતા રાજકોટ માયાણીનગરના કલ્પેશ પુંજાભાઇ ધરજીયા, રૈયાધારના અમીત ગોકરભાઇ પરમાર, જંગલેશ્વરના અબ્દુલ કાદીર રફીમૈયા કાદરી. સીરાજ હારૂનભાઇ દોઢીયા, મોહમદી બાગના સોયેબ રઝાકભાઇ દોઢીયા, સરદારનગરના નીખીલ કિશોરભાઇ વાડોદરીયા અને રામનગરના જયદીપ કનુભાઇ મારૂ ઝડપી લઈ ધોરણસરની કાર્યવાહી હાથ ધરી છે.
