ઈન્ટરનેશનલ ક્રિકેટમાં ગંભીર બેદરકારી સામે આવી: વન-ડે મેચમાં એક બોલરે 10ના બદલે 11 ઓવર ફેંકી

50 ઓવરની ODI મેચમાં બોલર 10 ઓવરથી વધુ બોલિંગ કરી શકે નહીં. જો કે હાલ રમાયેલ શ્રીલંકા અને ન્યૂઝીલેન્ડની મહિલા ટીમ વચ્ચે રમાયેલી વન-ડે મેચમાં એક બોલરે 11 ઓવર ફેંકી હતી.

ઈન્ટરનેશનલ ક્રિકેટ કાઉન્સિલ એટલે કે આઈસીસીએ ક્રિકેટને લઈને કેટલાક નિયમો બનાવ્યા છે. આ નિયમોમાંથી એવો પણ નિયમ છે કે 50 ઓવરની ODI મેચમાં બોલર 10 ઓવરથી વધુ બોલિંગ કરી શકે નહીં. જો કે હાલ રમાયેલ શ્રીલંકા અને ન્યૂઝીલેન્ડની મહિલા ટીમ વચ્ચે રમાયેલી વન-ડે મેચમાં એક બોલરે 11 ઓવર ફેંકી હતી. સાથે જ અંહી ચોંકાવનારી વાત એ હતી કે અમ્પાયર પણ આ ભૂલ પકડી શક્યા ન હતા. નિયમો વિરૂદ્ધ રમ્યા બાદ પણ પરિણામ પર તેની અસર પડી ન હતી અને ન્યૂઝીલેન્ડે બીજી વનડે 116 રને જીતી લીધી હતી. આ રીતે 3 મેચની સિરીઝ 1-1 થી બરાબર થઈ ગઈ.

New Zealand won the second ODI by 111 runs. The series now stands at 1-1, with just one match remaining. #SLvNZ pic.twitter.com/7RblaSbW0J

— Sri Lanka Cricket 🇱🇰 (@OfficialSLC) June 30, 2023

વન-ડે મેચમાં એક બોલરે 11 ઓવર ફેંકી
ન્યૂઝીલેન્ડના ઓફ સ્પિનર એડન કારસને 10 ઓવરમાં 40 રન આપીને 2 વિકેટ લીધી હતી અને એ બાદ શ્રીલંકાની ઇનિંગ્સની 45મી ઓવરમાં પોતાનો ક્વોટા પૂરો કરી લીધો હતો. જો કે પછી થયું એવું કે ન્યુઝીલેન્ડના કેપ્ટન પણ તેમના 10 ઓવરના ક્વોટા વિશે જાણ ન હતી. કાર્સને તેને 47મી ઓવરમાં ફરીથી બોલિંગ કરી અને આ દરમિયાન તેણે 5 ડોટ બોલ ફેંક્યા અને એક રન આપ્યો હતો. એટલે કે તેને 11 ઓવરમાં 41 રન આપીને 2 વિકેટ ઝડપી હતી.

મેચની વાત કરીએ તો ન્યૂઝીલેન્ડે પ્રથમ બેટિંગ કરતા 50 ઓવરમાં 7 વિકેટે 329 રન બનાવ્યા હતા. જવાબમાં શ્રીલંકાની ટીમ 48.4 ઓવરમાં 213 રન બનાવીને ઓલઆઉટ થઈ ગઈ હતી.

5 penalty runs for Sri Lanka thanks to this. The umpire had given a first warning for running on the pitch earlier in the innings. #SLvNZ pic.twitter.com/8Nrgv1CXbX

— Estelle Vasudevan (@Estelle_Vasude1) June 30, 2023

5 રનની પેનલ્ટી પણ લગાવવામાં આવી હતી
આ સિવાય વધુ એક મોટો મુદ્દો પણ સામે આવ્યો હતો. ન્યૂઝીલેન્ડની ઇનિંગ્સની 48મી ઓવરમાં જ્યોર્જિયા પિલ્મર અને બ્રુક હેલિડે બેટિંગ કરી રહ્યા હતા. આ દરમિયાન ન્યૂઝીલેન્ડને પિચ પર દોડવા બદલ 5 રનનો દંડ ફટકારવામાં આવ્યો હતો. આ મેચમાં ન્યૂઝીલેન્ડ તરફથી કેપ્ટન સોફી ડિવાઇન અને એમેલિયા કેરે સદીની ઇનિંગ્સ રમી હતી. કેરે 106 બોલમાં 108 રન બનાવ્યા હતા. 7 ચોગ્ગા અને એક છગ્ગો માર્યો. તે જ સમયે ડેવિને 121 બોલમાં 137 રનની ધમાકેદાર ઇનિંગ રમી હતી જેમાં તેને 17 ચોગ્ગા અને એક છગ્ગો માર્યા હતા.

બોલિંગની વાત કરીએ તો ફાસ્ટ બોલર લી તાહુહુએ 31 રનમાં 4 વિકેટ ઝડપી હતી. સોફી ડિવાઇન અને એમેલિયા કેરે પણ એક-એક વિકેટ લીધી હતી. ડેવાઇન પ્લેયર ઓફ ધ મેચ રહ્યો હતો. સીરિઝની છેલ્લી મેચ 3 જુલાઈએ રમાશે.