ખાસ-ખબર ન્યૂઝ ગિર-સોમનાથ
સાંપ્રત એજયુકેશન એન્ડ ચેરીટેબલ ટ્રસ્ટ દ્વારા ગીર સોમનાથ ખાતે અંધજન મંડળ, વસ્ત્રાપુર, અમદાવાદના સંયુક્ત ઉપક્રમે કેમ્પનું આયોજન કરવામાં આવેલ. આ કાર્યક્રમ સ્મિત મહિલા હોસ્પિટલ બાજુમાં, જૈન દેરાસર, ખાતે રાખવામા આવેલ હતું. સ્વરોજગાર કેમ્પનું ઉદ્ઘાટન અંધજન મંડળ, વસ્ત્રાપુર, અમદાવાદ ના ડેપ્યુટી ડાયરેક્ટર કિન્નરીબેન દેસાઈ, રોજગાર અધિકારી સંગીતાબેન તેમજ જૈન દેરાસરના પ્રમુખ જાગેશભાઈ ચોવટિયા, સુરેશભાઈ કંપાણી, દિનેશભાઈ, તથા રેલ્વે ઉછઞઈઈ ના મેમ્બર્સ અનીસભાઈ રાચ્છ ઉપસ્થિત રહી કેમ્પનું ઉદ્ઘાટન કરવામાં આવેલ. આ કેમ્પનું દીપ પ્રાગટ્ય દિવ્યાંગ ભાઈ બહેનો ના હસ્તે કરવામાં આવેલ. સાથે સાથે સમગ્ર ગીર સોમનાથ જિલ્લાના દિવ્યાંગો જે સ્વરોજગાર કરવા માંગતા હોય તેવા 150 થી વધારે દિવ્યાંગોએ આ કેમ્પનો લાભ લીધો. કેમ્પમાં જે દિવ્યાંગો સ્વરોજગારી કરવા માગતા હોય તે તમામ દિવ્યાંગોનું એસેસમેન્ટ કરવામાં આવેલ. સમગ્ર કાર્યક્રમને સફળ બનાવવા સંસ્થાના પ્રમુખ મહેન્દ્રભાઇ પરમાર તથા તમામ સ્ટાફે ભારે જહેમત ઉઠાવી હતી.
