રાહુલ ગાંધીના મણિપુર પ્રવાસનો બીજો દિવસ

હિંસા પીડિતોને મોઇરાંગમાં અને ઇમ્ફાલમાં સિવિલ સોસાયટીના લોકોને મળશે

ખાસ-ખબર સંવાદદાતા
રાહુલ ગાંધીના મણિપુર પ્રવાસનો આજે બીજો દિવસ છે. તેઓ શુક્રવારે સવારે મોઇરાંગ જવા નીકળ્યા હતા. અહીં તેઓ રાહત શિબિરમાં હિંસા પીડિતોને મળશે. જોકે પ્રશાસને રાહુલને મોઇરાંગ જવાની મંજૂરી આપી નથી.

મણિપુર કોંગ્રેસના અધ્યક્ષ કીશમ મેઘચંદ્રએ કહ્યું કે મોઇરાંગથી પરત ફર્યા બાદ રાહુલ ઇમ્ફાલમાં સિવિલ સોસાયટીના લોકોને મળશે. આ સિવાય તેઓ 10 સમાન વિચારધારા ધરાવતા પક્ષોના નેતાઓને પણ મળશે. રાહુલ ગુરુવારે મણિપુરની બે દિવસની મુલાકાતે પહોંચ્યા હતા. પ્રવાસના પહેલા દિવસે રાહુલ સરકારી હેલિકોપ્ટરમાં ચુરાચાંદપુર પહોંચ્યા હતા અને હિંસા પીડિતોને મળવા માટે ત્યાંના રાહત શિબિરની મુલાકાત લીધી હતી. રાહુલે પણ ટ્વિટ કર્યું – હું મણિપુરના મારા તમામ ભાઈઓ અને બહેનોને સાંભળવા આવ્યો છું. દરેક સમુદાયના લોકો ખૂબ જ આવકારદાયક અને પ્રેમાળ છે.

સરકાર મને રોકી રહી છે તે ખૂબ જ દુર્ભાગ્યપૂર્ણ છે. મણિપુરને ઈલાજની જરૂર છે. શાંતિ અમારી એકમાત્ર પ્રાથમિકતા હોવી જોઈએ.