ખાસ-ખબર ન્યૂઝ ગીર સોમનાથ, તા.10
“હર ઘર તિરંગા” અભિયાન અંતર્ગત સમગ્ર ગીર સોમનાથ જિલ્લાનાં 329 ગામોની તમામ પ્રાથમિક શાળાઓમાં રંગોળી સ્પર્ધા અને ચિત્ર સ્પર્ધા યોજવામાં આવી હતી. વિદ્યાર્થીઓએ ઉત્સાહપૂર્વક આ સ્પર્ધામાં ભાગ લીધો હતો અને દેશભક્તિસભર ચિત્રો દોરી પોતાની કલા દર્શાવી હતી. “હર ઘર તિરંગા” કાર્યક્રમ અંતર્ગત જિલ્લા પ્રાથમિક શિક્ષણ અધિકારી અશોકભાઈ પટેલે વિવિધ શાળાઓમાં રંગોળી કાર્યક્રમની મુલાકાત લીધી હતી તેમજ શાળાના વિદ્યાર્થીઓ સાથે સંવાદ સાધી તેમના ઉજ્જવળ ભવિષ્યની શુભકામનાઓ પાઠવી હતી. “હર ઘર તિરંગા” અભિયાન ઉપરાંત શાળાના વિદ્યાર્થીઓ “એક પેડ માં કે નામ” અભિયાન અંતર્ગત વૃક્ષારોપણ કાર્યક્રમમાં સહભાગી થઈ વૃક્ષોનું વાવેતર કર્યું હતું.
