દિલ્હીમાં સ્કૂલ-કૉલેજ શરૂ થશે, નિયંત્રણો હળવા કરાયા

દિલ્હીમાં હવે સ્કૂલો પર લાગેલા તાળાં હટાવવાનો નિર્ણય લેવામાં આવ્યો છે.

ડે. સીએમ મનીષ સિસોદિયાએ માહિતી આપતા જણાવ્યું કે, રાજ્યમાં સોમવારનાં 14 ફેબ્રુઆરીથી નર્સરીથી ધોરણ 8 સુધીની શાળાઓ ખોલવામાં આવશે. એ પણ સુનિશ્ર્ચિત કરી દેવામાં આવ્યું છે કે, તમામ શિક્ષકો વેક્સિનેટેડ થઇ જાય. ધોરણ 9થી 12 માટે 07 ફેબ્રુઆરીથી શાળા ખોલવાની સૂચના જારી કરવામાં આવી છે. આ સાથે રાજ્યમાં રાત્રિ કર્ફ્યુનો સમય 10 વાગ્યાથી વધારીને 11 વાગ્યા સુધી કરવામાં આવ્યો છે. જ્યારે રેસ્ટોરન્ટ હવે 11 વાગ્યા સુધી ખુલ્લી રહેશે.

એ સિવાય જિમ, સ્પા અને સ્વિમિંગ પૂલ ખોલવા માટે પણ સૂચના આપવામાં આવી છે.