આજથી સૌરાષ્ટ્ર પ્રીમિયર લીગ

જિયો સિનેમા પર લાઇવ સ્ટ્રીમિંગ

હાલાર હિરોઝ ગોહિલવાડ ગ્લેડિયેટર્સ

5 ટીમ વચ્ચે 9 દિવસમાં 11 મેચ: ક્રિકેટ રસિકો માટે ફ્રી એન્ટ્રી

ખાસ-ખબર સંવાદદાતા
સૌરાષ્ટ્ર ક્રિકેટ એસોસિએશન દ્વારા આયોજિત સૌરાષ્ટ્ર પ્રીમિયર લીગ સીઝન-3નો આજે સાંજથી ભવ્ય પ્રારંભ થવા જઈ રહ્યો છે. છેલ્લા બે સિઝનની સફળતા બાદ આ વર્ષે ફરી એક વખત સૌરાષ્ટ્રના ક્રિકેટરોને તક આપતી લોકપ્રિય ટર્નામેન્ટ સૌરાષ્ટ્ર પાંચ ટીમો વચ્ચે રમાશે. આર ટુર્નામેન્ટ 23 ઓગસ્ટ થી 31 ઓગસ્ટ દરમિયાન રમાશે જેમાં બે ડબલ હેડર એટલે કે એક જ દિવસમાં બે મેચ હોય તથા ફાઇનલ સહિત કુલ 11 મેચ સૌરાષ્ટ્ર ક્રિકેટ એસોસિએશન સ્ટેડિયમ, જામનગર રોડ, ખંઢેરી ખાતે રમાશે. સૌરાષ્ટ્ર પ્રીમિયર લીગમાં પાંચ ટીમ જેમ કે હાલાર હીરોઝ જેના કેપ્ટન જય ગોહિલ, ગોહિલવાડ ગ્લેડીએટર્સ જેના કેપ્ટન પ્રેરક માંકડ, કચ્છ વોરિયર્સ જેના કેપ્ટન ધર્મેન્દ્ર જાડેજા, સોરઠ લાયન્સ જેના કેપ્ટન ચિરાગ જાની, તથા ઝાલાવાડ રોયલ્સ જેના કેપ્ટન શેલ્ડન જેકસન રહેશે. 23 થી 31 ઓગસ્ટ દરમિયાન દરરોજ સાંજે 7:00 કલાકે મેચ શરૂૂ થશે. 25 તથા 26 ઓગસ્ટના ડબલ હેડર એટલે કે એક મેચ બપોરે 3:00 વાગે તો બીજો મેચ સાંજે 7:00 કલાકે શરૂૂ થશે. ક્રિકેટ રસિકો માટે ફ્રી એન્ટ્રી રાખવામાં આવી છે. આ ઉપરાંત જીયો સિનેમાના એપ પર પણ લાઈવ નિહાળી શકાશે. જીઓ સિનેમા એપ પર અશોક મલ્હોત્રા, ચેતન શર્મા, સાબા કરીમ, તથા જોની બેરન કોમેન્ટ્રી સાંભળવા મળશે. 31 ઓગસ્ટના ફાઈનલ મેચ રમાશે.

23 ઓગસ્ટથી શરૂ થતી સૌરાષ્ટ્ર પ્રીમિયર લીગનું જિયો સિનેમા પર લાઇવ સ્ટ્રીમિંગ

ભારતની મુખ્ય સ્થાનિક ટી-20 ટુર્નામેન્ટમાંની એક સૌરાષ્ટ્ર પ્રીમિયર લીગની ત્રીજી આવૃત્તિ ક્રિકેટ ચાહકો માટે જિયો સિનેમા પર આવવા તૈયાર છે. સૌરાષ્ટ્રની શ્રેષ્ઠ પ્રતિભા દર્શાવતી, એક્શનથી ભરપૂર ટી-20 ટૂર્નામેન્ટ 23 ઓગસ્ટથી જિયો સિનેમા પર લાઇવ-સ્ટ્રીમ થશે. પાંચ ટીમો રાઉન્ડ-રોબિન ફોર્મેટમાં આઠ દિવસ સુધી એકબીજા સામે ટકરાશે. ટોચની બે ટીમો 31 ઓગસ્ટે સૌરાષ્ટ્રની ચેમ્પિયન બનવા માટે ફાઇનલમાં રમશે. સૌરાષ્ટ્ર ક્રિકેટ એસોસિએશન દ્વારા આયોજિત પ્રતિષ્ઠિત અને લોકપ્રિય રાજ્ય-સ્તરની ટી 20 ટુર્નામેન્ટ તમામ દર્શકો માટે નિ:શુલ્ક ઉપલબ્ધ રહેશે. મેચો દરરોજ સાંજે 7:00 વાગ્યે શરૂ થશે, જ્યારે 25 – 26 ઓગસ્ટના ડબલહેડર દિવસોમાં પ્રથમ મેચ બપોરે 3:00 વાગ્યાથી શરૂ થશે.

સૌરાષ્ટ્ર પ્રીમિયર લીગ શેડ્યુલ
23 ઓગસ્ટ, બુધવાર, સાંજે 7 કલાકે
હાલાર હિરોઝ વિ. ગોહિલવાડ ગલ્ડિયેટર્સ
24 ઓગસ્ટ, ગુરૂવાર, સાંજે 7 કલાકે
કચ્છ વોરિયર્સ વિ. સોરઠ લાયન્સ
25 ઓગસ્ટ, શુક્રવાર, બપોરે 3 કલાકે
ગોહિલવાડ ગલ્ડિયેટર્સ વિ. સોરઠ લાયન્સ
25 ઓગસ્ટ, શુક્રવાર, સાંજે 7 કલાકે
હાલાર હિરોઝ વિ. ઝાલાવાડ રોયલ્સ
26 ઓગસ્ટ, શનિવાર, બપોરે 3 કલાકે
કચ્છ વોરિયર્સ વિ. ઝાલાવાડ રોયલ્સ
26 ઓગસ્ટ, શનિવાર, સાંજે 7 કલાકે
સોરઠ લાયન્સ વિ. હાલાર હીરોઝ
27 ઓગસ્ટ, રવિવાર, સાંજે 7 કલાકે
ગોહિલવાડ ગલ્ડિયેટર્સ વિ. કચ્છ વોરિયર્સ
28 ઓગસ્ટ, સોમવાર, સાંજે 7 કલાકે
ઝાલાવાડ રોયલ્સ વિ. ગોહિલવાડ ગલ્ડિયેટર્સ
29 ઓગસ્ટ, મંગળવાર, સાંજે 7 કલાકે
હાલાર હિરોઝ વિ. કચ્છ વોરિયર્સ
30 ઓગસ્ટ, બુધવાર, સાંજે 7 કલાકે
સોરઠ લાયન્સ વિ. ઝાલાવાડ રોયલ્સ
31 ઓગસ્ટ, ગુરૂવાર, સાંજે 7 કલાકે : ફાઇનલ